1 Timoti 1:2 - Ulufingo Ulupya

² Inkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

IBAYIBOLO 2024

² Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

1 Timoti 1:2 Iomraidhean Croise

Aba Loma 1:7

Inkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

Aba Galatiya 1:3

Ichisa nu mutende ivyakufuma kwa Chala Utata, sona ni vyakufuma kwa Mwene witu u Yesu Kilisitu vibanje namwe.

1 Aba Tesalonika 3:2

Tukamutuma u Timoti, yuyo we mukamu witu, sona mubombi uwamwitu mumbombo iya Chala iyakulumbilila Amazyu Amiza agha Kilisitu pakubapa amaka nukubakazya mulwitiko lwinyu,

1 Timoti 1:12

Inkumupalizya u Kilisitu u Yesu u Mwene witu, yuyo ampiye amaka pambombo iyi. Inkumupalizya pakumpima pakuba ne musubiliwa nukunsala ukuti imbombe imbombo yache,

1 Timoti 1:18

Wee mwana wane Timoti, inkukupa ilamulo ili ukuyana na mazyu ghagho abalaghuzi bakalaghula. Leka amazyu agha ghabanje vilwilo vyako ukuti ungalwa inkondo inyiza.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana kwa bupunganu, vivyo abantu abamyasi bakuti gho mahala.

2 Timoti 1:2

Inkumusimbila u Timoti, umwana wane umughaniwa. Ichisa nu bwiza, sona nu mutende ivyakufuma kwa Chala u Tata, nu Kilisitu u Yesu u Mwene witu vibanje nawe.

2 Timoti 2:1

Wee mwana wane, wimaye nkani ukwendela muchisa chicho chili mwa Kilisitu u Yesu.

Titi 1:4

Inkumusimbila u Titi, umwana wane uwanaloli mulwitiko, lulo aswe twe babili tuli nalo. Ichisa nu mumutende ivyakufuma kwa Chala u Tata, sona nu Kilisitu u Yesu, Umupoki witu vibanje nawe.

Titi 2:2

Ubamanyizye abanavuli abachasongo ukuti batakakolwanje, babanje bantu abamahala na bakwilema; babanje bantu abamaka mulwitiko, na balughano, sona na bololo.

Titi 3:15

Abantu bosi babo bali poka nane kuno bakukulamuka. Utulamukileko abamanyani bitu mulwitiko. Ichisa icha Chala chibanje namwe mwebosi.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

2 Yohani 1:3

Ichisa nu mutende ivyakufuma kwa Tata u Chala poka nu Yesu Kilisitu Umwana wache vibanje naswe mu bwanaloli na mulughano.

3 Yohani 1:4

Chitalipo nachimo ichintu chicho chikunhobosya nkani ukuchila ukwivwa ukuti abana bane bakukonka ubwanaloli.

Yuda 1:2

U Chala abapelele ichisa nukubapa umutende nu lughano umwakwizula.