Zekaliya 9:8 - IBAYIBOLO 2024

⁸ Ane nkwiza pakuba ne mulindilili uwa chisu, umwakuti atakabepo uwakwendamo. Nayumoyumo umuyivyi akwiza pakubapota abantu bane, pakuti ilelo nkubenelezya.

Zekaliya 9:8 Iomraidhean Croise

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

2 Abamwene 19:34

Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi.’ ”

2 Abamwene 23:29

Bo u mwene u Yosiya akulaghila, u Falabo u Neko uwamu Ijiputi akabuka kulusoko ulwa Yufuleti pakumwavwa u mwene uwamu Asiliya. U mwene u Yosiya akabuka pakulwa nawe ubwite. Loli u Falabo Neko akamughoghela u Yosiya ku Megido.

2 Abamwene 24:1

Bo u Yehoyakimu akulaghila, u mwene u Nebukadineza uwamu Babiloni akalwa ubwite ni chisu icha Yuda, umwakuti Yehoyakimu akaba pasi pabulaghili ubwa Nebukadineza amaka matatu. Loli pisinda pache akandula inyinong'ono nukumusambukila u Nebukadineza.

Masalimo 34:7

Uwantumi uwa Mwene akubavighililagha babo bakumuchindika, sona akubapoka bosi.

Masalimo 72:4

Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Ukufuma 3:9

Naloli nivwa inkuta iya ba Izilayeli, sona nkughennya amayimba ghagho aba Ijiputi bakubayivya nagho.

Ivyili 3:25

Utakanyilaye ivintu vivyo vikwiza umwakuchenusya bulo, pamo ukunanganika kuko kukubawila abantu ababibi.

Yesaya 26:1

Pisiku lilalila ulwimbo ulu lukwiza pakwimbiwa muchisu icha Yuda: Tuli nakaya akakulu nkani akamaka; u Chala weyuyo akukazighilila, ni vibumba sona na malinga ghache.

Yesaya 31:5

Ngati mumo utuyuni tukubulukila mumwanya, momumo u Mwene Uwamaka Ghosi, akwiza pakumuvighilila u Yelusalemu, akwiza pakumuvighilila nukumupoka, akwiza pakumusungilila nukumutabula.”

Yesaya 4:5

Po u Mwene akwiza pakubika ibingu pamwanya pabuzilo bosi ubwa pighamba ilya Ziyoni na pamwanya pachilundilo chache, pamusanya akwiza pakubavwinka ni bingu ilya lyosi ubusiku nutulabi utwakulama utwa moto. Pamwanya pabuchindamu pakwiza pakuba ichakuvwinka.

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Yesaya 52:12

Loli mutakwiza pakwepamo lubilolubilo, pamo mutakwiza pakwepamo umwakuchimbila, pakuti u Mwene akwiza pakubalongolela, u Chala uwa Izilayeli akwiza pakuba mulindilili winyu.

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 60:18

Ivyongo vitakwiza pakwivwikamo muchisu chako, pamo ukunangannya nukupankulannya mumpaka zyako, loli mukwiza pakughitizya amalinga ghako ukuti mupoki, imilyango yako ukwiza pakuyitizya ukuti amapalo.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Yelemiya 46:13

Agha gho mazyu ghagho u Mwene akamubuzya u Yelemiya umulaghuzi nizya kwiza ukwa Nebukadineza u mwene uwa chisu icha Babiloni, pakulwa ubwite ni chisu icha Ijiputi akati,

Yelemiya 46:2

Nizya Ijiputi, akanena izya basilikali aba Falabo Neko u mwene uwa chisu icha Ijiputi, babo u Nebukadineza u mwene uwa ku Babiloni akabapota pa Kalikemishi mulusoko ulwa Yufuleti mumwaka uwafolo, bo Yehoyakimu umwana uwa Yosiya u mwene uwa kuchisu icha Yuda akulaghila akati,

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Amosi 9:15

Nkwiza pakubikazya aba Izilayeli muchisu ichabo ni chabo, batakwiza pakunyunkuliwamo sona muchisu chicho nabapa.” U Mwene u Chala winyu anena.

Zekaliya 12:4

Pisiku lilalila nkwiza pakuzipelela ubogha ifalasi zyosi, sona abakukwelapo bakwiza pakuvulungana. Nkwiza pakuyenelezya inyumba iya Yuda, loli nkwiza pakuzidobola amaso ifalasi izya inko zyosi. U Mwene anena.

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Zekaliya 14:11

Abantu bakwiza pakwikala mukaya kalakala, pakuti mutakwiza pakubamo sona inguno nukunanganika. U Yelusalemu akwiza pakwikala umwakufwasa.

Zekaliya 9:7

Batakwiza pakulya inyama iya libanda, sona ni vyakulya ivinji ivyamwiko. Abantu abakusyalako bakwiza pakuba ba Chala witu, nukuba luko ulwa chisu icha Yuda, sona u Ekiloni akwiza pakuba ngati boba Yebusi.

Imbombo 7:34

Naghennya amayimba agha bantu bane mu Ijiputi. Nivwa ukukoloma kwabo, po niza pakubapoka. Zagha losi ulu ukuti nkutume kuchisu icha Ijiputi.’

Ubuvumbuli 20:9

Po bakasata pachisu chosi ichapasi nukuvizyungulila ivisakasa ivya bantu aba Chala nakaya akakulu nkani kako akaghanite. Loli umoto ghukika kumwanya nukubanangannya.