Zekaliya 9:12 - IBAYIBOLO 2024

¹² Mwee bakayidi, nyokela kwilinga lyinyu, amwe mukalindililagha nulusubilo, ilelo nkufumusya ukuti nkwiza pakubanyosezyamo kabili kosi.

Zekaliya 9:12 Iomraidhean Croise

Yobu 42:10

Bo u Yobu abiputila abamanyani bache, u Mwene akamonjelezyapo kabili ichuma ukuchila vivyo akaba navyo pabwandilo.

Yesaya 24:22

Akwiza pakubabungannya poka ngati bakayidi babo bali munyumba iya bupinyiwa, bakwiza pakwighaliliwa mujele, nukufundiwa bo ghendapo amasiku aminji.

Yesaya 38:18

Pakuti ipumpa litangakupala awe, ubufwe bope butangakupala, babo bakwinjila pasi muchibwina, batangabusubila ubwanaloli bwako.

Yesaya 40:2

ubakazye abantu aba mu Yelusalemu. Babuzye ukuti bayimba akabalilo akatali nkani, imbibi zyabo zyahobokeliwa. Nabafunda mpela pachifukwa icha mbibi zyabo zyosi.”

Yesaya 49:9

akababuzya abakayidi akati, ‘Fuma’ akababuzya sona babo bali muchisi akati, ‘Banga myee!’ Bakwiza pakulyanga ivyakulya mulubazu ulwa musebo, nukulyagha isote iteta, pakaghamba papo patakumela isote.

Yesaya 52:2

Kung'unta ulufumbi, vundumuka ikala pachitengo icha bumwene, wee Yelusalemu. Isatula iminyololo iya musingo yako, wee muzya uwa mukaya aka Ziyoni.

Yesaya 61:7

Mubuzilo ubwa soni zyinyu, mukwiza pakupokela ivigaba vibili, mubuzilo ubwakusamuliwa, mukwiza pakusekela mumpyana yabo, mukwiza pakupyana ivigaba vibili muchisu chabo, sona ulusekelo ulwa bwila na bwila, lukwiza pakubanga lwinyu nu lwinyu.

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 31:17

U Mwene akuti, “Subila bulo vivyo vili kuntazi, abana bako bakwiza pakubwelako sona ku kaya kabo.

Yelemiya 31:6

Akabalilo kakwiza pakufikila, kako abalindilili aba pamaghamba agha Efulayimu bakwiza pakukolomoka ukuti, ‘Tubukaye ku Ziyoni, kwa Mwene u Chala witu.’ ”

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 51:10

U Mwene atubombela ubugholosu aswe, po zagha tufumusye mu Ziyoni, zizyo u Mwene u Chala witu atubombela.’

Ezekiyeli 37:11

Po u Mwene akambuzya akati, “Wee mwana uwa muntu, amafupa ghosi agha ba Izilayeli. Bakuti, ‘Amafupa ghitu ghumiye sona nulusubilo lwitu lope lwamala; tuyanite bulo nababo bakafwa.’

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Mika 4:8

Ukunena nizya awe, wee chitembe icha mudimo, wee ilinga ilya Ziyoni, ubumwene ubwakale bukwiza pakunyokela kukwako, ubumwene bukwiza pakunyokela mu Yelusalemu.”

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

Aba Hebeli 6:19

Ulusubilo lulo tuli nalo cho chipimpi icha bumi bwitu. Lutakuneng'ena sona lusubiliwa nkani, lulo lukupuluzannya pa mwenda uwakuzighila mu Nyumba iya Chala iyakumwanya nukwisimika Mubuzilo Ubuzelu nkani.