Zekaliya 9:11 - IBAYIBOLO 2024

¹¹ “Wee Yelusalemu, pachifukwa icha libanda lyane ilya lufingo lwane, nkwiza pakubasatula abakayidi binyu muchiliba chicho chite namizi.

Zekaliya 9:11 Iomraidhean Croise

2 Samuweli 13:13

Nkimba ane ntakwiza pakuba ni soni pakasi pabantu? Nkimba awe utakwiza pakuboneka muntu mupunganu pakasi paba Izilayeli? Nalamba nenezannya nu mwene, po atangankanizya ukuti imbanje ne muchi wako.”

2 Imbili 7:17

“Loli nanti awe ukumbombela mubwanaloli ngati mumo ughuso u Devedi akabombelagha nukubomba zyosi zizyo nkukulamula pakughakonka amalamulo ni ndaghilo zyane,

Yobu 33:30

pakubupoka ubumi bwache kwipumpa umwakuti ulukozyo lwabumi lumulamilaye.

Masalimo 30:3

Wee Mwene, ukanyefyamo muchisu icha bantu abafwe; sona utakitikizya ukuti imbukaye kwipumpa.

Masalimo 40:2

Akanyefyamo muchiliba ichakoghofya, nukunzubula mumatope na muvinyazu. Po akazikanyizya inyayo zyane pilyalabwe, sona akazikazya inyayo zyane.

Masalimo 69:33

Pakuti u Mwene akubivwa abapotwe, sona atakubapa inkonto babo bali mujele.

Ukufuma 24:8

Po Mozesi akasenda ibanda nukubanyafila abantu nukuti, “Ili lyo libanda ilya lufingo lulo u Mwene akafingana namwe ukuyana na malamulo ghosi ghanagha.”

Yesaya 24:22

Akwiza pakubabungannya poka ngati bakayidi babo bali munyumba iya bupinyiwa, bakwiza pakwighaliliwa mujele, nukufundiwa bo ghendapo amasiku aminji.

Yesaya 42:22

Loli aba bo bantu babo bakafyuliwa nukuzompoliwa, bosi bakataghiwa muviliba, pamo ukubafisa mujele. Baba bulo vyakufyuliwa, atalipo nayumo uwakubapoka. Baba ngati chakuzompoliwa, sona atalipo uwakunena ukuti, “Mubanyosye.”

Yesaya 42:7

pakwighula amaso agha bantu abafwamaso, pakubasatula abantu babo bali mujele, nukubafumya mujele babo bakwikala muchisi.

Yesaya 49:9

akababuzya abakayidi akati, ‘Fuma’ akababuzya sona babo bali muchisi akati, ‘Banga myee!’ Bakwiza pakulyanga ivyakulya mulubazu ulwa musebo, nukulyagha isote iteta, pakaghamba papo patakumela isote.

Yesaya 51:14

Yuyo akalemiwa pakuba muzya, akwiza pakwabuliwa lubilolubilo; batakwiza pakufwila mujele, pamo ukusobelwa ichibama.

Yesaya 58:12

Abantu bako bakwiza pakuzenga sona inyumba zizyo zikalekiwa pakuba visami, nukuzenga palwalo ulwa kale, mukwiza pakwitiziwa ukuti abayannya ivibumba ivyakuwa, abayannya inyumba izya kupankuka.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yelemiya 38:6

Po bakamusenda u Yelemiya nukumubika muchiziba icha Malakiya, umwana uwa mwene, mulubinjilo ulwa balindilili. Bakamwisizya u Yelemiya muchiziba pakubombezya inkusa, amizi ghatakabamo, loli gho matope ghene. U Yelemiya akadwibiziwa mumatope.

Daniyeli 2:29

“Wee mwene, bo ulambalaye palapala ukinong'onagha nizya muntazi, po yuyo avumbula izyakubusyefu akakulanjizya vivyo vikwiza pakubombiwa muntazi.

Matayi 26:28

Pakuti ili libanda lyane ilyakusimikizya ulufingo ulwa Chala, lilyo lyatonya ukuti abantu abinji bahobokeliwe imbibi zyabo.

Maliko 14:24

U Yesu akati, “Ili lyo libanda lyane ilyakusimikizya ulufingo ulwa Chala, lilyo lyatonya pachifukwa icha bantu abinji.

Luka 16:24

Po akakolomoka nkani akati, ‘Tata Abulahamu, umpelele ichisa ane. Mutume u Lazalo ukuti adwibike akasonga aka kafingwi kache mumizi ukuti akatazye ululimi lwane, pachifukwa ichakuti indi muntamyo nkani pamoto ughu!’

Luka 22:20

Umwakuyana bulo, bo bamala pakulya, akabapa ulubako lula nukuti, “Ulubako ulu lyo libanda lyane ilyakusimikizya ulufingo ulwa Chala, lilyo lyatonya pachifukwa icha mwemwe.

Luka 4:18

“U Muzimu uwa Mwene ali papane pachifukwa ichakuti ampakazya ukuti indumbilile amazyu amiza pakasi pabantu abapina. Antuma ukuti imfumusye ubusatuke ubwa babo bali mujele nukuti abafwamaso bennyanje sona nukubapa ubusatuke babo bakukanyililiwa.

1 Aba Kolinti 11:25

Umwakuyana bulo, bo bamala pakulya, akasenda ulubako nukuti, “Ulubako ulu lo lufingo ulupya ulwa Chala mwibanda lyane. Mubombaye bunubu akabalilo kosi kako mukung'wela ukuti munkumbukilayepo.”

Ukukumbusya Amalamulo 5:31

Loli awe Mozesi, usyalikile poka nane umwakuti nkupe amalamulo ghosi, ni vimanyisyo vyane, sona ni ndaghilo zyane ukuti ubamanyisyanje abantu umwakuti bazikonkaye muchisu chicho nkubapa.”

Aba Hebeli 10:2

Nanti abantu babo bakumwiputa u Chala bakaswefiwanga imbibi zyabo ngali batakabapo nalumolumo nu mabyebye uwa mbibi zyabo, sona ivyakwiyipa vyosi ngali abantu bakaleka pakubika ivyakwiyipa.

Aba Hebeli 10:29

Po nkimba zingaba bulibuli nu muntu yuyo akumusamula u Mwana uwa Chala? Nkimba zingaba bulibuli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba bulibuli nu muntu yuyo akumusamula u Muzimu Umuzelu, yuyo akumulanjizya ichisa?

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

Ubuvumbuli 20:3

Uwantumi yula akamusumbila u Satana muchibanka ichibizu nkani nukumwighalila. Akamata umulyango umwakuti atakazizimbulepo nalumolumo inko izya bantu mupaka amaka 1,000 ghamale. Pisinda pache asatuliwanje ukwa kabalilo akapimpa bulo.