Zekaliya 8:9 - IBAYIBOLO 2024

⁹ U Mwene Uwamaka Ghosi akuti, “Amwe mwe ilelo mukwivwa amazyu ghagho abalaghuzi bakunena, babo bakabapo bo bakwanda pakwala ulwalo ulwa Nyumba iya Mwene Uwamaka Ghosi, po mubanje na maka nkani, umwakuti Inyumba iya Mwene yingazengiwa sona.

Zekaliya 8:9 Iomraidhean Croise

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

1 Imbili 28:20

U Devedi akamubuzya sona u Solomoni akati, “Ujimbaye sona ubanje wamaka, uyibombaye imbombo yiniyi. Utakanyilaye pamo ukuwa amaka, pakuti u Mwene u Chala, ali nawe. Atakwiza pakupotwa pamo pakukuleka nalumo mupaka imbombo yosi iyakuzenga Inyumba iya Mwene yimale.

2 Imbili 15:7

Loli amwe mujimbaye sona mutakawanje amaka, pakuti mukwiza pakupokela umuvwalo pa mbombo yiyo mukubomba.”

Ezila 6:14

Po abalongozi aba ba Yuda bakabombagha imbombo iyakuzenga Inyumba yila sona yikendagha akiza nkani umwakukaziwa nu mulaghuzi u Hagayi nu Zekaliya umwana uwa Ido. Bakamalizya pakuzenga Inyumba iya Chala ukuyana namumo akalamulila u Chala uwa Izilayeli sona ukuyana nu lulaghilo ulwa Sayilasi nu Daliyasi sona u Alitakiselesesi, babo bakaba bamwene aba mu Peleziya.

Yesaya 35:3

Muzikazyanje inyobe idedebazu, sona mubapanje amaka abantu babo ivimpevu vyabo vikutetema,

Yesaya 35:4

Mubabuzye abantu aba moyo amogha muti, “Mubanje mwe bajivu, mutakanyilaye, u Chala winyu akwiza pakubatanizya, nukubafunda abalwani binyu po akwiza pakubapoka.”

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 1:12

Po u Zelubabeli umwana uwa Sheyalitiyeli nu Yoshwa umwana uwa Yehozadaki, yuyo akaba muputi usongo, sona na bantu bosi abakusyalako bakamwivwilagha u Mwene u Chala wabo, sona na mazyu agha mulaghuzi u Hagayi, pachifukwa ichakuti u Mwene u Chala wabo weyuyo akamutuma. Po abantu bakamuchindika u Mwene.

Hagayi 2:18

‘Ukwanda ilelo pisiku ilya 24 umwezi uwa nayini, inong'onaghapo akiza nisiku lilyo ulwalo ulwa Nyumba iya Mwene lukazengiwanga. Inong'onaghapo akiza.

Hagayi 2:21

“Mubuzye u Zelubabeli umulaghili uwa chisu icha Yuda ukuti, ‘Nkwiza pakuyingannya ku kumwanya ni chisu ichapasi.

Zekaliya 8:13

Mwee ba Yuda naba Izilayeli, ukuyana namumo mukabela mwe nguno pakasi pa inko, po nkwiza pakubapoka sona mukwiza pakuba mwe lusayo. Mutakanyilaye, loli mubanje na maka.”

Zekaliya 8:18

U Mwene Uwamaka Ghosi akambuzya sona amazyu aghakuti,

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

2 Timoti 2:1

Wee mwana wane, wimaye nkani ukwendela muchisa chicho chili mwa Kilisitu u Yesu.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 1:8

Wenelezye nkani ukuti Ibuku ilya Malamulo ili lyo lilindaye pamulomo wako. Ulibelengaye pamusanya na pabusiku ukuti ughakonke amalamulo ghosi mwibuku linili umwakuti vyosi vikwendelaye akiza.