Zekaliya 8:8 - IBAYIBOLO 2024

⁸ Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Zekaliya 8:8 Iomraidhean Croise

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Yelemiya 11:4

ulufingo lulo nkafingana na banyenya binyu bo nkubefyamo mu Ijiputi, muchiliba ichakwaka umoto. Nkati, ‘Munyivwile nukubomba chosi chicho nkubalamula, po mukwiza pakuba bantu bane, sona nkwiza pakuba ne Chala winyu.

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 24:7

Nkwiza pakubapa u moyo uwakuzimanya ukuti ne Mwene. Bakwiza pakuba bantu bane, nane nkwiza pakuba ne Chala wabo, pakuti bakwiza pakunyokela kukwane nu moyo wabo ghosi.

Yelemiya 30:22

Polelo amwe mukwiza pakuba mwe bantu bane sona nane nkwiza pakuba ne Chala winyu.”

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Ezekiyeli 11:20

Po bakwiza pakusunga indaghilo zyane nukughivwila akiza amalamulo ghane. Bakwiza pakuba bantu bane sona nkwiza pakuba ne Chala wabo.

Ezekiyeli 36:28

Mukwiza pakwikala muchisu chicho nkabapa abanyenya binyu, mukwiza pakuba bantu bane sona ane nkwiza pakuba ne Chala winyu.

Ezekiyeli 36:33

“ ‘U Mwene Uwamaka Ghosi akuti: Pisiku lilyo nkwiza pakubaswefya kumbibi zyinyu zyosi, nkwiza pakubikazya sona mutwaya twinyu, nukuzenga sona vivyo vyali visami.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Ezekiyeli 37:27

Inyumba yane yikwiza pakuba pakasi papabo. Nkwiza pakuba ne Chala wabo sona abene bakwiza pakuba bantu bane.

Hoseya 11:11

Bakwiza bakutetema ngati viyuni vya muchisu icha Ijiputi, sona ngati nkunda izya muchisu icha Asiliya. Po u Mwene akuti, “Nkwiza pakubabwezya mutwaya twabo.”

Yoweli 3:20

Mu Yuda mukwiza pakwikalamo abantu bwila na bwila, sona inkulilo zyosi izya bantu zikwiza pakwikala mu Yelusalemu.

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Zekaliya 10:10

Nkwiza pakubefyamo muchisu icha Ijiputi nukubwela nabo. Nkwiza pakubabungannya ukufuma nabo ku Asiliya, nukufika nabo ku Giliyadi nu Lebanoni, patakwiza pakubapo ubuzilo ubwakubakwana.

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.