Zekaliya 8:7 - IBAYIBOLO 2024

⁷ U Mwene Uwamaka Ghosi akuti, “Nkwiza pakubapoka abantu bane aba kuvyisu ivyakubufumilo bwizuba sona naba kubwinjililo bwizuba.

Zekaliya 8:7 Iomraidhean Croise

Nehemiya 1:9

Loli nanti munganyokela kukwane nukughakonka amalamulo ghane, napapo abantu binyu babo bali kubuzya bangaba kubutali nkani, nkwiza pakubabungannya poka nukwiza nabo kubuzilo bubo nkabusala ukuti inchindikiliwanjemo.’

Masalimo 113:3

Ukwandila kuko izuba likufumila mupaka kuko likwinjilila, itabwa ilya Mwene lyo lipaliwanje.

Masalimo 147:2

U Mwene akukazenga sona akaya akakulu nkani aka Yelusalemu, sona akubabungannya aba Izilayeli babo banyampanite kuchisu icha buzya.

Masalimo 50:1

U Chala Uwamaka Ghosi, u Mwene akunena, nukubitizya abantu muchisu chosi ichapasi, ukwandila kuko izuba likufumila mupaka kubwinjililo.

Yesaya 49:12

Ennya, bakwiza pakufuma kubutali, bamo kuchisu ichakumitu, abanji kubwinjililo bwizuba, sona abamwabo muchigaba icha Aswani.”

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yelemiya 31:8

Nkwiza pakubefyako kuchisu icha kumitu nukubabungannya ukufumila kubumalilo ubwa chisu. Pakasi papabo pakwiza pakubapo abafwamaso na balemazu, abakolo babo bakaba ni nyanda na bakolo babo bakaba papipi pakusayiwa. Ichilundilo icha bantu chikwiza pakunyokako.

Ezekiyeli 11:17

“Polelo ubabuzye ukuti u Mwene Uwamaka Ghosi akuti, ‘Nkwiza pakubabungannya ukufuma ku inko nukubanyosezya muvyisu mumo mukanyampana, po nkwiza pakubanyosezya sona ichisu icha Izilayeli.’

Ezekiyeli 36:33

“ ‘U Mwene Uwamaka Ghosi akuti: Pisiku lilyo nkwiza pakubaswefya kumbibi zyinyu zyosi, nkwiza pakubikazya sona mutwaya twinyu, nukuzenga sona vivyo vyali visami.

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.