Zekaliya 8:5 - IBAYIBOLO 2024

⁵ Imisebo iya mukaya akakulu nkani yikwiza pakwizula na balumendo na balindu, babo bakwiza pakwangalagha mulamula.”

Zekaliya 8:5 Iomraidhean Croise

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Yelemiya 31:13

Po abalindu bakwiza pakujina nukusekela, bope abasongo na balumendo banaba. Nkwiza pakukupela ukulila kwabo kula pakuba lusekelo, nkwiza pakubasangalusya nukubahobosya mubuzilo ubwa chitima.

Yelemiya 31:27

U Mwene akuti, “Amasiku ghakwiza ghagho aba Izilayeli naba Yuda poka ni vinyamana bakwiza pakubala nkani.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Nkuto 2:19

Nyamuka pabusiku nukulila, bo abalindilili bakwanda bulo imbombo yabo, sona mubuzye u Mwene vyosi ivya kusingo. Gholosezya inyobe zyinyu kwa Mwene pachifukwa icha bumi ubwa bana binyu babo bakufwa nizala mumisebo.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.