Zekaliya 8:4 - IBAYIBOLO 2024

⁴ U Mwene Uwamaka Ghosi akuti, “Abanavuli na bakolo abaghosi bakwiza pakwikala mumisebo iya kaya aka Yelusalemu, umuntu wesi akwiza pakuba ni ndisa iyakwendela pachifukwa icha bughosi bwache.

Zekaliya 8:4 Iomraidhean Croise

Yobu 42:17

Po u Yobu akafwa bo aghosipite nkani namaka aminji.

Yobu 5:26

Ukwiza pakwinjila mwipumpa, bo ughosipite nkani, ukuyana namumo ghakutonela amalezi pakabalilo kache.

Ukufuma 21:19

nanti umuntu yula anyamuka nukwanda pakwenda, napapo akwendela indisa, umuntu yuyo akamukoma atabaghiye pakufundiwa, loli amulipile bulo pachifukwa icha kabalilo kako akatagha bo alambalaye, sona amusungilile mupaka apole.

Yelemiya 31:13

Po abalindu bakwiza pakujina nukusekela, bope abasongo na balumendo banaba. Nkwiza pakukupela ukulila kwabo kula pakuba lusekelo, nkwiza pakubasangalusya nukubahobosya mubuzilo ubwa chitima.

Yelemiya 31:24

Abantu bakwiza pakwikala poka mu Yuda na mutwaya twache utukulu, abalimi na babo bakwendakwenda bulo ni midimo yabo.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

1 Samuweli 2:31

Naloli akabalilo kakwiza kako nkwiza pakuchefyako amaka ghako, sona na maka agha bamunyumba iya ghuso, umwakuti patakabepo nayumoyumo umuntu umughosi munyumba yako.

1 Samuweli 2:32

Ukwiza pakuba muntamyo nkani, umwakuti ukwiza pakulwennya na kabini ulusayo losi lulo nkwiza pakubapa aba Izilayeli abanji, sona patakwiza ukubapo nayumoyumo umuntu umughosi munyumba yako.