Zekaliya 8:23 - IBAYIBOLO 2024

²³ U Mwene Uwamaka Ghosi akuti, “Pakabalilo kalakala, abanavuli 10 abakufuma mu neno zyosi sona naba mu inko izinji, bakwiza pakuyilema nkani inkazo iya mu Yuda yumo nukuti, ‘Tubukaye nawe, pakuti twivwa ukuti u Chala ali nawe.’ ”

Zekaliya 8:23 Iomraidhean Croise

Ubwandilo 31:41

Umu momumo nkikalila amaka ghosi 20, bo indi munyumba yako. Nkakubombela amaka 14 pachifukwa icha bana bako abalindu babili, nukukudimila ing'ozi ni mbuzi zyako amaka sikisi. Pope bulo ukandulannya amalipilo ghane aka teni.

Ubwandilo 31:7

Pope bulo anzimbula nukwandulannya amalipilo ghane aka teni, loli u Chala atakamwitikizya ukuti ambombele chimo ichibibi.

2 Abamwene 2:6

Pisinda pache u Eliya akamubuzya u Elisha akati, “Weya we syala pano. U Mwene antuma ku Yolodani.” Loli u Elisha akamwamula akati, “Nkulapa pamaso pa Mwene na pamaso papako ukuti ntakwiza pakukuleka napo panandi.” Po bosi bakendelela nu bulendo bwabo.

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

2 Imbili 15:9

Po akababungannya poka abantu bosi aba mu Yuda naba Benjamini naba Efulayimu naba Manase naba Simiyoni babo bakikalagha pakasi papabo, pakuti abantu abinji nkani aba mu Izilayeli bakiza kulubazu lwache, bo bennya ukuti u Mwene u Chala wache akaba nawe.

Esitele 8:17

Muchigaba chosi sona na mukaya kosi akakulu nkani, kosi kuko ululaghilo ulwa mwene lukafumuziwa, mukaba ukuhoboka nukusekela pakasi paba Yuda sona bakaba nu lusekelo ulukulu nkani. Abantu aba inko izinji bakanduka pakuba ba Yuda, pachifukwa ichakuti bakabanyilagha nkani aba Yuda bala.

Yobu 19:3

Aka teni ukuntuka bulo, sona ute ni soni pakundonga.

Umulumbilili 11:2

Sunga indalama zyako mubuzilo ubwinji bulo, pakuti utachimenye ichintu ichibibi chicho chikwiza pakuwa pachisu ichapasi.

Yesaya 3:6

Umuntu akwiza pakumulema umukamu wache uwa panyumba iya wise, nukuti, “Awe uli na menda ubanje we mulongozi witu, utulongozyanje pakabalilo akantamyo aka!”

Yesaya 4:1

Pisiku lilalila abakolo seveni bakwiza, pakumulema umwanavuli weka nukuti, “Tukwiza pakulyanga ivyakulya vyitu, nukwilondela twebene amenda. Loli utwitikizye ukuti, twitiziwanje bachi bako, sona utwefyezyeko isoni!”

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

Yesaya 55:5

Naloli ukwiza pakuzyitizya inko zizyo utazimenye, sona inko zizyo zitakakumanya, zikwiza pakuchimbilila kukwako, pachifukwa icha Mwene u Chala winyu, Umuzelu uwa Izilayeli, pakuti weyuyo abapa ubuchindamu.”

Yesaya 60:14

Abana babo bakukukanyilila, bakwiza pakukufughamilila pantazi papako, bosi babo bakukuyivya bakwiza pakukufughamilila, sona bakwiza pakukwitizya pakuba we kaya akakulu nkani aka Mwene, u Ziyoni akaya aka Muzelu uwa Izilayeli.

Yesaya 60:3

Inko zikwiza pakwiza kulokozyo lwako, na bamwene bakwiza pakwiza pakwennya, ukulama kwako ukwa pandabindabi.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Mika 5:5

Sona akwiza nu mutende. Akwiza pakutupoka kuba Asiliya bo bakwiza nu bwite muchisu chitu nukwinjila mumalinga ghitu, tukwiza pakutuma abadimi seveni, pamo abalaghili eyiti.

Zefaniya 3:19

Pakabalilo kalakala nkwiza pakubafunda babo bakabayivyanga. Nkwiza pakubapoka abalemazu, nukubabungannya babo banyampanite. Nkwiza pakubapala nukubachindika muchisu chosi ichapasi mumo bakakoziwa isoni.

Ukubelengiwa 14:22

po nkulapa ukuti atalipo nayumo umuntu uwa bantu banaba akwiza pakwinjilamo muchisu chila. Abantu banaba bakabwennya ubuchindamu bwane ni viswigho vyane, vivyo nkabomba mu Ijiputi, sona na munkolongo, loli pope bulo bakanjela akabalilo akinji bulo, nukukana pakughivwila amazyu ghane.

Luka 8:44

Umukolo yula akiza muchilundilo icha bantu kwisinda ukwa Yesu nukupalamasya mulubazu ulwa mwenda wache, panapo na panapo ibanda likaleka pakutonya.

Imbombo 19:12

umwakuti tope ututambala na menda ghagho u Pabuli akabombezyanga, bakaghabikagha pa babine, po bakapolagha, sona ni mizimu imibibi yope yikepamo mumwabo.

1 Aba Kolinti 14:25

Inyinong'ono zyache izyakubusyefu zikwiza pakuboneka pabuzelu. Po akwiza pakufughamila pasi nukumwiputa u Chala nukwilata ukuti, “Naloli u Chala ali mumwinyu.”

Yoshwa 8:35

U Yoshwa akabelenga amalamulo ghosi agha Mozesi pamaso pa chilundilo chosi icha ba Izilayeli. Palapala pakabapo abakolo na bana na bayeni babo bakikalagha pakasi papabo.