Zekaliya 8:22 - IBAYIBOLO 2024

²² Abantu abinji sona ninko inyinji bakwiza pakwiza ku Yelusalemu pakumulondalonda u Mwene Uwamaka Ghosi nukumulaba ukuti abapelele ichisa.”

Zekaliya 8:22 Iomraidhean Croise

Masalimo 68:30

Uvichemelaye ivinyamana vivyo vikwikala muntete, uludimo ulwankambaku zizyo zili mukasi mu ngwata. Bakanyankilaye abantu babo bakunyonywa ivyakufyula pabwite banyampannye abantu aba inko babo babughanite ubwite.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Yesaya 2:3

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Yesaya 25:7

Pighamba linili akwiza pakwefyapo umwalubilo, ichitima chicho chivwinkite inko, umwenda ghugho ghuvwinkite inko zyosi.

Yesaya 49:22

U Mwene Uwamaka Ghosi akuti, “Ennya, nkwiza pakubakopezya ni nyobe, aba inko babo te ba Yuda, nkwiza pakubakwezezya indembela abantu, bakwiza na bana bako abalumendo munyobe zyabo, nukubanyamula abana bako abalindu pavipunko vyabo.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 55:5

Naloli ukwiza pakuzyitizya inko zizyo utazimenye, sona inko zizyo zitakakumanya, zikwiza pakuchimbilila kukwako, pachifukwa icha Mwene u Chala winyu, Umuzelu uwa Izilayeli, pakuti weyuyo abapa ubuchindamu.”

Yesaya 66:23

Pisiku ilya Kupanta ukwa Mwezi ukufika Pisiku ilinji ilya Kupanta ukwa Mwezi ughunji, ukwanda Pisiku Ilyakutuzya ukufika Pisiku ilinji Ilyakutuzya, umuntu wesi akwiza pakwiputagha pantazi papane.” U Mwene anena.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Mika 4:3

Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Hagayi 2:7

Nkwiza pakuziyingannya inko zyosi, umwakuti ubukabi ubwa inko bwizulaye mu Nyumba iya Chala, sona nkwiza pakuyizuzya Inyumba iyi nu buchindamu.’ U Mwene Uwamaka Ghosi anena.

Zekaliya 14:16

Po abantu bosi abakusyala bumi pakasi pa inko, babo bakalwanga ubwite nu Yelusalemu, bakwiza pakubukagha pakumwiputa u Mwene, umwaka nu mwaka u Mwene Uwamaka Ghosi nukuba nu Lusekelo ulwa Visakasa.

Zekaliya 8:21

Abantu babo bakwikala mukaya mula bakwiza pakubuka kukaya akanji nukubabuzya ukuti, ‘Leka tubukaye kwa Mwene pakumulaba ichisa nukumulondalonda u Mwene Uwamaka Ghosi. Nane bulo nkubuka.’

Aba Galatiya 3:8

Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 21:24

Abantu aba inko zyosi bakwiza pakwenda mu lukozyo lwache, po abamwene aba muchisu ichapasi bakwiza pakwiza nu bukabi bwabo mukaya kanaka.