Zekaliya 8:21 - IBAYIBOLO 2024

²¹ Abantu babo bakwikala mukaya mula bakwiza pakubuka kukaya akanji nukubabuzya ukuti, ‘Leka tubukaye kwa Mwene pakumulaba ichisa nukumulondalonda u Mwene Uwamaka Ghosi. Nane bulo nkubuka.’

Zekaliya 8:21 Iomraidhean Croise

2 Imbili 11:16

Abanji aba muluko ulwa Izilayeli babo bakamwivwilagha na moyo ghabo ghosi u Mwene u Chala uwa Izilayeli, bakabakonka aba Levi ku Yelusalemu pakubika ivyakwiyipa kwa Mwene, u Chala uwa banyenya babo.

Masalimo 103:22

Mumupalaye u Mwene, imbombo zyache zyosi zimupalaye, kosi na kosi mubumwene bwache. Wee moyo wane, umupalaye u Mwene.

Yesaya 2:3

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Yelemiya 31:6

Akabalilo kakwiza pakufikila, kako abalindilili aba pamaghamba agha Efulayimu bakwiza pakukolomoka ukuti, ‘Tubukaye ku Ziyoni, kwa Mwene u Chala witu.’ ”

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Zekaliya 7:2

Abantu aba ku Beteli bakamutuma u Shalezeli sona nu Legemu Meleki ku Nyumba iya Mwene, poka na bantu babo, pakumulambilizya u Mwene ukuti abape ulusayo,

Zekaliya 8:22

Abantu abinji sona ninko inyinji bakwiza pakwiza ku Yelusalemu pakumulondalonda u Mwene Uwamaka Ghosi nukumulaba ukuti abapelele ichisa.”

Yohani 1:37

Abamanyili babili bakamwivwa akunena zinizi, po bakamukonka u Yesu.