Zekaliya 8:14 - IBAYIBOLO 2024

¹⁴ U Mwene Uwamaka Ghosi akuti, “Ukuyana namumo nkalondelagha pakubabombela ichintu ichibibi, bo abanyenya binyu bankalalizya, intakalonda pakubapelela ichisa,

Zekaliya 8:14 Iomraidhean Croise

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Masalimo 33:11

Loli imbatiko izya Mwene zikuba bulabula bwila na bwila, sona inyinong'ono zyache zikubangako mupaka inkulilo zyosi.

Yesaya 14:24

U Mwene Uwamaka Ghosi alapa ichilapo ati, “Zizyo nabatika pakubomba zyo zizyo zikwiza pakubombiwa. Zizyo ninong'ona pakubomba zyo zizyo nkwiza pakuzibomba.

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 29:11

Pakuti inzimenye zizyo imbayanizizye, te bubibi awe, loli pakubapa ulusubilo ni ntazi inyiza.

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 32:42

Ngati mumo nkabatumila abantu aba ntamyo, momumo nkwiza pakubapela umutende ghugho nkafingana nabo.

Yelemiya 4:28

Polelo ichisu chikwiza pakulila sona kope kumwanya kukwiza pakuba chisi chene, pachifukwa ichakuti ane ne Mwene nanena sona ntakwiza pakwandula inyinong'ono zyane, nadumula mpela, ntakwiza pakunyokela kwisinda.”

Ezekiyeli 24:14

“ ‘Ane ne Mwene nanena. Akabalilo kanfikila akakuti imbombele imbombo, sona ntakwiza pakunyokela kwisinda pamo pakukupelela ichisa pamo pakukuhobokela. Ukwiza pakulongiwa ukuyana ni nkalo yako sona ni mbombo zyako, u Mwene Uwamaka Ghosi anena.’ ”

Zekaliya 1:2

“U Mwene akabakalalila nkani abanyenya binyu.

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”