Zekaliya 8:12 - IBAYIBOLO 2024

¹² “Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Zekaliya 8:12 Iomraidhean Croise

Ubwandilo 26:12

U Yisaki akalima umughunda, umwakuti umwaka ghulaghula akinula ivyakulya ivyinji pakuti u Mwene akamusaya.

Ubwandilo 27:28

U Chala akuwisizye inganda, sona amaghunda ghako ghelaye ivikomwa akiza. Akupe ingano nu vinyo umwinji nkani.

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Masalimo 72:3

Amaghamba ghakwiza pakubizila abantu numutende, utughamba tope tukwiza pakwiza ni seke izya bugholosu.

Masalimo 85:12

Naloli u Mwene abapanje ivintu ivyiza, po ichisu chitu chope chipanje inyinulo inyiza.

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 61:7

Mubuzilo ubwa soni zyinyu, mukwiza pakupokela ivigaba vibili, mubuzilo ubwakusamuliwa, mukwiza pakusekela mumpyana yabo, mukwiza pakupyana ivigaba vibili muchisu chabo, sona ulusekelo ulwa bwila na bwila, lukwiza pakubanga lwinyu nu lwinyu.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Ezekiyeli 34:28

Inko zitakwiza pakubafyula ivintu vyabo, sona ivinyamana ivya muzi vitakwiza pakubaghogha nukubalya. Bakwiza pakwikalagha umwakufwasa, sona atalipo nayumoyumo umuntu uwakuboghofya.

Ezekiyeli 36:12

Nkwiza pakubapela abantu, abantu bane aba Izilayeli ukuti bende papinyu, amwe mwe maghamba agha Izilayeli. Bakwiza pakubasenda pakuba babo, sona mukwiza pakuba mpyana yabo, mutakwiza pakubafyula nalumolumo abana babo.

Ezekiyeli 36:30

Nkwiza pakubalizya ivikomwa ivya mumakwi ni vikomwa ivya mumaghunda, umwakuti mutakoziwanje isoni pakasi pa inko chifukwa icha zala.

Ezekiyeli 36:9

Ane mpalamasiwe nkani sona indi ni chililizi namwe, amaghunda ghinyu ghakwiza pakulimiwa nukubyaliwa,

Hoseya 13:3

Polelo bakwiza pakubanga ngati we kabefu uwa pandabindabi, sona bakwiza pakubanga ngati nganda yiyo yikulaghala bulo, abantu banaba bakwiza pakubanga ngati lyelelo lilyo likupupuka, sona ngati lyosi lyilo likufuma pibwindo.

Hoseya 14:5

Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Yoweli 2:19

U Mwene akwiza pakubamula ukuti, “Nkubatumila ingano, nu vinyo umupya, sona na mafuta, vivyo vikwiza pakubakwana, Po ntakwiza pakubasamula sona pakasi pa inko.

Yoweli 2:22

Mwee vinyamana ivyamunkolongo mutakanyilaye, pakuti isote lyanda pakulemba. Amakwi ghanda pakwela ivikomwa vyache, ghope amakuyu na mampesya ghela nkani.

Aba Levi 26:3

“Nanti mukughakonka amalamulo ghane ni ndaghilo zyane,

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Hagayi 1:10

Polelo, pachifukwa icha mwemwe ivula yaleka pakutima sona ichisu chuma, chaleka pakumezya imbeyu.

Hagayi 2:18

‘Ukwanda ilelo pisiku ilya 24 umwezi uwa nayini, inong'onaghapo akiza nisiku lilyo ulwalo ulwa Nyumba iya Mwene lukazengiwanga. Inong'onaghapo akiza.

Hagayi 2:19

Nkimba zyasyalamo imbeyu zimo muntamba mula? Mupaka nilelo amampesya na makuyu na manyele sona na makwi agha misyunguti ghatelitepo ivikomwa? “ ‘Ukwanda ilelo mupaka muntazi, nkwiza pakubasaya.’ ”

Zekaliya 8:6

U Mwene Uwamaka Ghosi akuti, “Napapo chingaboneka ngati chakuhobosya mumaso agha abakusyalako pakabalilo kalakala, po nkimba chingaba chakunhobosya nkani nane bulo?”

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

1 Aba Kolinti 3:21

Polelo patakabepo umuntu uwakwituvya pavintu vivyo abantu bangabomba, pakuti ivintu vyosi vyinyu,

Ukukumbusya Amalamulo 32:2

Ivimanyisyo vyane vitimaye ngati yo vula, sona amazyu ghane ghabanje ngati yo nganda. Ngati ko kavula akakusalasata, amazyu ghane ghawanje pisote ghatimaye pisote iteta ngati yo vula inyinji nkani.

Ukukumbusya Amalamulo 33:13

Nizya luko ulwa Yosefu akati, “Wee Mwene, uchisaye ichisu chache pakuchipa inganda iyakufuma kumwanya, sona na mizi aghakufuma pasi pachisu.

Ukukumbusya Amalamulo 33:28

Po aba Izilayeli bakwiza pakwikala umwakufwasa. Abaluko ulwa Yakobo bakwikala mumutende, muchisu icha ngano nu vinyo umupya, mumo inganda yikuwa ukufuma kumwanya.

Yakobo 3:18

Abantu abamutende babo bakapesa umutende, bakwiza pakwinula ivikomwa ivya bugholosu.