Zekaliya 7:9 - IBAYIBOLO 2024

⁹ “U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Zekaliya 7:9 Iomraidhean Croise

2 Samuweli 9:7

U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

Yobu 31:20

po atakampalizya pachifukwa ichakuti nkamusaya na menda aghakupangiwa na meya agha ng'ozi zyane,

Yobu 6:14

“Pakabalilo aka mayimba ngati kanaka, chikulonda abamanyani abasubiliwa babanje papipi lumo umuntu angamukana Uwamaka Ghosi.”

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 22:3

U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 7:23

loli nkabapa ilamulo ilyakuti: Munyivwilaye po nkwiza pakubanga ne Chala winyu sona amwe mukwiza pakubanga mwe bantu bane. Muzikonkaye izila zyosi zizyo nkubalamula, nanti mukulonda ukuti ivintu vibendelaye akiza.

Yelemiya 7:5

“ ‘Nanti naloliloli mukuyannya inkalo zyinyu ni mbombo zyinyu sona mukulongelana mubugholosu,

Ezekiyeli 18:8

Atakubakopezya abantu indalama ukuti akabilepo izyapamwanya, pamo ukuti ababikilayepo izinji. Umuntu uyu akukana pakubomba imbibi, yuyo akubalongannya abantu mubwanaloli.

Ezekiyeli 45:9

“ ‘U Mwene Uwamaka Ghosi akuti: Mwabomba imbibi akabalilo akatali, mwee bamwene aba muchisu icha Izilayeli! Leka ivyongo nukubayivya abantu sona mubombaye ubwanaloli nu bugholosu. Mutakabachimbizyanjemo abantu bane muchisu chabo, u Mwene Uwamaka Ghosi anena.

Hoseya 12:7

Umughulizi avighanite ivipimilo ivyabumyasi sona bighanite nkani pakubalyela abantu.

Aba Levi 19:15

“ ‘Utakanyongannye ubwanaloli bo ukulonga inongwa, sona utakasalilaye pakasi pabantu abapina na bakabi, loli ulongelaye mubwanaloli.

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Zekaliya 7:7

Nkimba te mazyu ghagho u Mwene akalumbilila ukwendela mubalaghuzi abavula intazi bala, bo akaya aka Yelusalemu poka nutwaya utukulu tuto tukazyunguliye tuli pamutende sona, kuchigaba icha kuntende sona na mumaghamba, kuko bakikalagha?’ ”

Zekaliya 7:8

Po u Mwene akamubuzya sona u Zekaliya amazyu aghakuti,

Matayi 23:23

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale nu kanyezi, loli mukukana ukwivwila ichimanyisyo ichapamwanya nkani icha Ndaghilo, pakuba bwanaloli, ni chisa nu busubiliwa. Ivi vyo vintu vivyo mubombaye ukusita pakuvilekapo vimo.

Luka 11:42

“Chighune nkani kukwinyu, amwe mwe ba Falisayi pakuti mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale, sona nu kanyezi. Loli mukukana pakubomba ubwanaloli nukumughana u Chala. Ivi vyo vintu vivyo mubaghiye mubombaye ukusita ukulekapo vimo.

Yohani 7:24

Mutakalongaye pakwennya icheni icha muntu, loli mulongelaye mubwanaloli.”

Yohani 7:51

“Nkimba Indaghilo zyitu zikutwitikizya pakumulonga umuntu, bo tutamwivuye akunena mwene chicho anangite?”

Ukukumbusya Amalamulo 22:1

Nanti ukuyennya ing'ombe pamo ing'ozi iya mu Izilayeli uwamwinyu yikupulumpa, utakayileke bulo, loli uyisokolele kumwenecho.