Zekaliya 7:5 - IBAYIBOLO 2024

⁵ “Balalusye abantu bosi aba muchisu poka na baputi ukuti, ‘Nkimba bo ukutuzya pakulya nukufwifwitila, mumwezi uwafayivi nu mwezi uwaseveni amaka 70 ghagho ghachilapo, nkimba mukatuzya pakulya pachifukwa icha ane?

Zekaliya 7:5 Iomraidhean Croise

2 Abamwene 25:23

Bo abasilikali abasongo bosi, na bantu babo bivwa ukuti u mwene uwamu Babiloni akamusala u Gedaliya pakuba mulaghili, bakiza kwa Gedaliya yuyo akaba mu Mizipa nu Ishimayeli umwana uwa Netaniya nu Yohanani umwana uwa Kaleya nu Selaya umwana uwa Tanihumeti umu Netofa nu Yazaniya umwana uwa Maaka, sona na bantu babo.

2 Abamwene 25:25

Loli mumwezi uwaseveni, u Ishimayeli umwana uwa Netaniya, umwana uwa Elishama yuyo akaba uwa kunyumba iya bumwene, akiza poka na bantu 10 pakulwa ubwite nu Gedaliya nukumughogha. Akabaghogha sona aba Yuda na bantu aba mu Babiloni babo bakaba poka nawe pa Mizipa.

Yesaya 43:23

Mutanyiziye ni ng'ozi iya chakwiyipa ichakocha, pamo ukunchindika ni vyakwiyipa vyinyu. Ntabang'wamisizye ni vyakwiyipa ivya busu, pamo ukubalitizya nutwakufukizya utwakununkila.

Yesaya 58:3

Abantu bakulalusya bakuti, ‘Nkimba choni chicho twatuzya pakulya, bo awe ute navyo nimbombo? Nkimba choni chicho twiyisya twebene, ukusita ukuti uzimanye?’ “Loli pisiku lyinyu ilyakutuzya, mukubomba umwakwihobosya mwebene, nukubanangannya abambombo binyu.

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 29:10

U Mwene akuti, “Bo ichisu icha Babiloni chalaghila amaka 70 nkwiza pakubendela nukukwanilisya ilayizyo lyane nukubanyosezya ku buzilo bunubu.

Yelemiya 52:12

Pisiku ilya 10, mumwezi uwafayivi, na mumwaka uwa 19, bo u mwene u Nebukadineza akulaghila mu Babiloni, u Nebuzaladani, usongo uwa balindilili aba kunyumba iya bumwene yuyo akamubombelagha u mwene uwamu Babiloni akiza mu Yelusalemu.

Daniyeli 9:2

mumwaka uwakwanda uwa bulaghili bwache, ane ne Daniyeli nkaghivwisya amasimbo, ukuyana na mazyu ghagho u Mwene akamubuzya umulaghuzi u Yelemiya ukuti ukumongonkana ukwa Yelusalemu kukwiza pakumala amaka 70.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Zekaliya 1:12

Po uwantumi uwa Mwene akamula akati, “Wee Mwene Uwamaka Ghosi, nkimba utakwiza pakumupelela ichisa mupaka liyi u Yelusalemu nutwaya utwa mu Yuda tuto watukalaliye amaka 70?”

Zekaliya 7:3

pakubalalusya abaputi aba mu Nyumba iya Mwene Uwamaka Ghosi sona na balaghuzi ukuti, “Nkimba infwifwitilaye nukutuzya pakulya mumwezi uwafayivi, ukuyana namumo nkabombelagha amaka aminji?”

Zekaliya 7:4

Po u Mwene Uwamaka Ghosi akambuzya amazyu aghakuti,

Zekaliya 7:6

Sona bo mukulya nukung'wela, nkimba mutakasekelagha pachifukwa icha mwebene?

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

Matayi 23:5

Bakubomba zyosi izi ukuti abantu babennye. Ennya Amasimbo pankigha zizyo bakupinya kumutu na panyobe, sona ennya ubukulu mumo zibeleye! Ennya amabuzi amatalitali munkazo zyabo.

Matayi 6:16

“Nanti mukutuzya pakulya mutakalanjizyanje ichitima ukuyana namumo bakubombela abazimbuli. Bakulanjizya ukukalala pamaso ukuti abantu babennye ukuti bakutuzya pakulya. Naloli nkubabuzya ukuti bapokelela zila umuvwalo wabo.

Matayi 6:2

“Nanti mukumupa chimo umuntu umupotwe, mutakifumusyanje ukuyana namumo bakubombela abazimbuli munyumba izyakwiputilamo na muminalo. Bakubomba bunubu ukuti abantu babapale. Naloli nkubabuzya ukuti bapokelela zila umuvwalo wabo.

Matayi 6:5

“Bo mukwiputa, mutakayane na bazimbuli! Bighanite pakwimilila nukwiputa munyumba izyakwiputilamo, na munkomano izya misebo ukuti abantu babennye. Naloli nkubabuzya ukuti bapokelela zila umuvwalo wabo.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

2 Aba Kolinti 5:15

Umwene akatufwila twebosi ukuti abantu bosi babo bali nubumi, batakabe nubumi ubwakwihobosya bene, loli babanje nubumi ubwakumuhobosya mwene yuyo akatufwila nukuzyuka kubufwe pachifukwa icha babo.

Aba Kolosi 3:23

Chosi chicho mukubomba, mubombaye nu moyo winyu ghosi, ngati po mukumubombela u Mwene, abantu awe,