Zekaliya 7:3 - IBAYIBOLO 2024

³ pakubalalusya abaputi aba mu Nyumba iya Mwene Uwamaka Ghosi sona na balaghuzi ukuti, “Nkimba infwifwitilaye nukutuzya pakulya mumwezi uwafayivi, ukuyana namumo nkabombelagha amaka aminji?”

Zekaliya 7:3 Iomraidhean Croise

Ezila 3:10

Bo abazengi banda pakwala ulwalo ulwa Nyumba iya Mwene abaputi bakalizyanga amapati, bo bavwalite inkazo zyabo izyabuputi. Aba Levi, abaluko ulwa Asafu bakimbagha inyimbo izyakumupala u Mwene pakubombezya amalimba, ukuyana nu lulaghilo ulwa Devedi u mwene uwa Izilayeli.

Umulumbilili 3:4

Pali akabalilo akakulilila, na kabalilo akakusekela. Pali akabalilo aka chitima, na kabalilo akakwimbila.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Yoweli 2:17

Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Hagayi 2:11

“Zizyo u Mwene Uwamaka Ghosi akunena zyakuti, ‘Balalusye abaputi zizyo indaghilo zikulingannya.

Zekaliya 7:4

Po u Mwene Uwamaka Ghosi akambuzya amazyu aghakuti,

Zekaliya 7:5

“Balalusye abantu bosi aba muchisu poka na baputi ukuti, ‘Nkimba bo ukutuzya pakulya nukufwifwitila, mumwezi uwafayivi nu mwezi uwaseveni amaka 70 ghagho ghachilapo, nkimba mukatuzya pakulya pachifukwa icha ane?

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Matayi 9:15

U Yesu akamula akati, “Nkimba mukwinong'ona ukuti abayeni palusekelo ulwa sendwa bangalanjizya ichitima bo umwenesendwa ali poka nabo? Awe! Loli isiku likwiza bo umwenesendwa bamwefyako kukwabo, po bakwiza ukutuzya pakulya.”

1 Aba Kolinti 7:5

Mutakakananaye, loli pene papo nanti mwivwana tasi pakupaghula akabalilo akakwiputila poka. Pisinda pache mungakomana sona ukuti u Satana atakabayele pachifukwa icha ukusita kwilema kwinyu.

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.