Zekaliya 7:14 - IBAYIBOLO 2024

¹⁴ Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”

Zekaliya 7:14 Iomraidhean Croise

2 Imbili 36:21

Izi zikabombiwa pakukwanilisya amazyu agha Mwene ghagho akamubuzya u Yelemiya ukuti, “Ichisu chikwiza pakuba na Maka Aghakutuzya sona chikwiza pakuba nkolongo amaka 70 ukuyana namumo umulaghuzi akanenela.”

Masalimo 58:9

Bo isonta zyinyu zichili pakutukila nu butukizu ubwa inkwi izya mivwa, manyi mbisi, manyi zyumiye, abantu ababibi bakwiza pakuzimila.

Yesaya 17:13

Napapo inko zikuzuma ngati kupoma ukwa mayigha, bo aghachemela ghakuchimbilila kubutali, ghakuchimbila pantazi pa mpepo ngati lyelelo pighamba, sona ngati lufumbi ulwa kankungu.

Yesaya 21:1

Agha gho mazyu aghabulaghuzi ghagho ghakunena nizya nkolongo iya kunyanja: Ngati kankungu kako kakuzyungulila ichisu ichakuntende, ukunanganika kukwiza pakufuma kunkolongo iya kuchisu ichakoghofya.

Yesaya 60:15

Napapo ulekiwe nukubengiwa, sona kusita nayumo uwakwenda nawe, nkwiza pakukupela awe, pakuba we songo bwila na bwila, nu lusekelo ulwa inkulilo yosi.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 12:10

Abadimi abinji baghunangannya umughunda wane uwa mampesya, sona bakughukanyankila, baghupela umughunda wane umwiza ghula pakuba nkolongo.

Yelemiya 23:19

Ennya impepo iya Mwene yikwiza nubukali yiyo yili ngati ko kankungu kako kakwiza, pamitu iya bantu ababibi.

Yelemiya 30:23

Ennya, impepo iya maka iya Mwene! Impepo iya kankungu, yikukuka pamitu iya bantu ababibi.

Yelemiya 36:19

Po amakambala ghakamubuzya u Baluki ghakati, “Awe nu Yelemiya muvwame. Atakabepo nayumoyumo umuntu uwakumanya kuko muli.”

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 5:15

U Mwene akuti, “Mwee ba Izilayeli, nkubizila ninko iya bantu aba kubutali nkani, iya kale sona yiyo yiliko, abantu babo ni neno yabo mutayimenye nalumolumo, sona mutangayivwa nakokuyivwa.

Yelemiya 52:30

Mumwaka uwa 23 mubulaghili ubwa Nebukadineza, u Nebuzaladani usongo uwa balindilili abamwene yula akabasendela kubuzya aba Yuda 745. Bosi poka babo bakasendeliwa kubuzya bakabapo 4,600.

Ezekiyeli 12:19

Ubabuzye abantu aba muchisu chila, izi zyo zizyo u Mwene Uwamaka Ghosi akunena nizya bantu babo bakwikala mu Yelusalemu muchisu icha Izilayeli ukuti bakwiza pakulya ichakulya nubogha nukung'wela amizi bo bakutetema, ichisu chabo chikwiza pakufyuliwa navyosi vivyo vili mumo pachifukwa icha vyongo ivya bantu babo bakwikala mulamula.

Ezekiyeli 22:15

Nkwiza pakubachimbizya pakasi pa inko nukubanyampanizizya muvyisu iviyeni, po nkwiza pakubumalizya ububibi bubo buli mumwinyu.

Ezekiyeli 5:10

Pakasi papinyu abapapi bakwiza pakubalya abana babo, sona abana bakwiza pakubalya abapapi babo. Nkwiza pakubafunda amwe, nukubanyampannya abakusyalikila kosi na kosi.”

Daniyeli 8:9

Palupembe loka pakamelapo ulupembe ulunandi lulo lukaba lukulu nkani, lukennyanga kuntende, na kubufumilo ubwizuba, sona na ku Chisu Ichakuboneka akiza nkani.

Hoseya 9:17

U Chala wane akwiza pakubapa inkonto, pachifukwa ichakuti batamwivwila. Bakwiza pakwendakwendagha bulo pakasi pa inko.

Yoweli 2:3

Kuntazi kukwabo umoto ghukulungulizya ivintu vyosi, sona kwisinda kukwabo indimi izya moto zikocha vivyo vyasyala. Kuntazi kukwabo ichisu chila chili ngati mughunda uwa Edeni, sona kwisinda kukwabo chikanduka pakuba nkolongo, patakabapo nachimochimo ichakusyalamo.

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Amosi 1:14

Nkwiza pakuluwisizya umoto ulubumba lwache mu Laba, ghugho ghukwiza pakughalungulizya amalinga ghache. Po kukwiza pakuba ichongo ichikulu nkani pisiku ilya bwite, yope impepo yikwiza pakubako ngati we kankungu.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Habakuku 3:14

Ni mpalala yache ukamulasa kumutu, bo abasilikali bache abamaka biza ngati we kankungu pakutunyampannya. Bakituvyanga ngati bantu babo bakulonda pakubalya abantu babo bakuyiviwa.

Zefaniya 3:6

U Mwene akakabuzya akaya kala akati, “Nazinangannya inko zyosi, sona amalinga ghabo naghamongolannya. Imisebo yabo nayinangannya atalipo nayumoyumo umuntu uwakudumusannyamo. Utwaya twabo twananganika sona mute nu muntu nayumoyumo.

Zekaliya 2:6

U Mwene ati, “Zagha! Zagha! Mwee, chimbilako kuchisu icha kumitu, pakuti nabanyampanizizya mumpepo folo izya mumwanya.

Zekaliya 8:1

U Mwene Uwamaka Ghosi akanena nane.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Ukukumbusya Amalamulo 28:33

Abantu babo utabamenye bakwiza pakukufyula vyosi ivya mumaghunda ghako, vivyo ukiyula pakulima, sona bakwiza pakukukanyilila nukukuyivya akabalilo kosi.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.