Zekaliya 7:11 - IBAYIBOLO 2024

¹¹ “Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Zekaliya 7:11 Iomraidhean Croise

2 Imbili 33:10

U Mwene akanena nu Manase na bantu bache, loli abantu batakabikilako umoyo.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Yesaya 28:12

akababuzya ukuti, “Ubu bo buzilo ubwakutuzikizyapo, baleke babo balita batuzye,” sona, “Ubu bo buzilo ubwakweghamilako,” loli batakwiza pakunteghelezya.

Yesaya 46:12

Teghelezya kukwane mwe muli namoyo amakafu, sona mwe muli kubutali nu bugholosu.

Yesaya 6:10

Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”

Yesaya 65:12

nkwiza pakubapela ukuti mughoghiwe nupanga, po mwebosi mukwiza pakwinamila pasi, ukuti muboliwe, pakuti nkabitizya loli mutakamula, nkanena loli mutakanteghelezya. Mukabomba ububibi pamaso papane, nukusala vivyo vitakunhobosya.”

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 36:31

Nkwiza pakumufunda poka nabaluko lwache sona na makambala ghache pachifukwa icha bubibi bwabo. Nkwiza pakubizila nintamyo abantu babo bakwikala mu Yelusalemu na mu Yuda pachifukwa ichakusita kwivwila.’ ”

Yelemiya 42:21

Ilelo nababuzya amazyu ghosi ghagho u Mwene u Chala winyu akambuzya ukuti imbabuzye, loli mwaghakana.

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Yelemiya 5:21

Ivwa ichi, mwe bapunganu na mwe bantu abasita mahala, amwe mwe muli na maso loli mutakwennya, amwe mwe muli na makutu loli mutakwivwa.

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Ezekiyeli 3:7

Loli aba Izilayeli batakulonda pakukuteghelezya, pachifukwa ichakuti batakulonda pakunteghelezya. Pakuti bosi bamadinko sona ba moyo amakafu.

Ezekiyeli 5:6

Abantu aba mu Yelusalemu mububibi bwabo baghasambukila amalamulo ni ndaghilo zyane ukuzichila inko ni vyisu vivyo vimuzyunguliye. Bazikana indaghilo zyane sona bataghakonka amalamulo ghane.”

Daniyeli 9:5

Twananga sona twabomba ububibi. Twabombela mu bubibi sona twasambuka. Twaghasulannya amalamulo sona ni ndaghilo zyako.

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Matayi 13:15

Pakuti amoyo ghabo makafu nkani, sona basindiye amakutu ghabo, basizilite amaso ghabo. Pakuti ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya. Po ngali bapindukila kukwane, u Chala akunena, ngali imbapozizye.’

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Imbombo 7:57

Loli abene bakakolomoka nkani, bakighalila amakutu ghabo ni nyobe zyabo. Panapo na panapo bosi poka bakamunyelela,

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?