Zekaliya 7:10 - IBAYIBOLO 2024

¹⁰ Mutakabayivyanje abafwilwe pamo abalanda, abayeni pamo abapina. Mutakinong'onelanaye ivintu ivibibi mumoyo ghinyu.’

Zekaliya 7:10 Iomraidhean Croise

Masalimo 140:2

Akabalilo kosi bakubatika bulo pakumbombela ivibibi, akabalilo kosi bakwandizya ivyongo.

Masalimo 21:11

Bakubatika pakukubombela imbibi, pamo nanti bakwivwana pakubomba ububibi, bakwiza pakupotwa.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 72:4

Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Ukufuma 23:9

“Mutakamuyivyanje umuntu umuyeni, pakuti amwe mwebene muzimenye ukuti pakuba muntu umuyeni cho choni, pachifukwa ichakuti namwe bulo mukabapo mwe bayeni muchisu icha Ijiputi.

Ivyili 3:29

Utakabatikaye pakumubombela ichibibi umupalamani wako, yuyo ukwikala nawe papipi nukukusubila.

Ivyili 6:18

umoyo ghugho ghukubatika imbatiko imbibi, ivinama vivyo vikuchimbilila pakubomba ububibi,

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 49:11

Baleke abana abalanda, nkwiza pakubusungilila ubumi bwabo. Bope abakolo abafwilwe bakwiza pakunsubila.”

Yelemiya 5:28

binite sona bali na mabili amatyelemusu. Ububibi bubo bakubomba bute ni mpaka, batakulongela mubugholosu inongwa izya bana abalanda ukuti zibendele akiza sona batakubalwila abantu abapina.

Yelemiya 7:6

nanti mutakubakanyilila abayeni, abana abalanda, pamo abafwilwe, sona mutakukupula ibanda ilya bantu babo bate ninongwa pabuzilo bunubu, sona mutakubakonka abachala abanji ukuti batakabanangannye,

Ezekiyeli 18:12

Akubayivya abapina na bapotwe. Akwiba sona atakunyosya vivyo akakopa. Akwiputa ivifwani. Akubomba ivintu ivyamwiko.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:29

Abantu aba muchisu bakubayivya abantu abapina, bakubafyula abapotwe nukubayivya abayeni sona batakubabombela mubwanaloli.

Ezekiyeli 22:7

Pakasi papako abantu babasamula abapapi babo nukubayivya abayeni na balanda sona na bafwilwe.

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Zekaliya 8:17

mutakamwinong'onelaye umupalamani winyu ichintu ichibibi, sona mutakalapilaye mubumyasi. Ane invibengite nkani ivintu vinivi.” U Mwene anena.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

1 Aba Kolinti 6:10

pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala.

Ukukumbusya Amalamulo 27:19

“Aghuniwanje umuntu wesi yuyo akusendelapo ulusako pa bayeni, na balanda sona na bakolo abafwilwe.” Po abantu bosi bamule batinji, “Ameni!”

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

1 Yohani 3:15

Umuntu wesi yuyo amubengite umukamu wache, kokuti mughoghi, sona muzimenye ukuti umughoghi ate nubumi ubwa bwila na bwila.