Zekaliya 6:12 - IBAYIBOLO 2024

¹² Po umubuzye ukuti: U Mwene Uwamaka Ghosi ati, ‘Ennya umuntu yuyo itabwa lyache we Lusamba, pakuti akwiza pakumela papo ali, sona akwiza pakuzengapo Inyumba iya Mwene.

Zekaliya 6:12 Iomraidhean Croise

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

Ezila 3:10

Bo abazengi banda pakwala ulwalo ulwa Nyumba iya Mwene abaputi bakalizyanga amapati, bo bavwalite inkazo zyabo izyabuputi. Aba Levi, abaluko ulwa Asafu bakimbagha inyimbo izyakumupala u Mwene pakubombezya amalimba, ukuyana nu lulaghilo ulwa Devedi u mwene uwa Izilayeli.

Ezila 3:8

Mumwezi uwabubili uwa mwaka uwabubili bo biza ku Nyumba iya Chala mu Yelusalemu, u Zelubabeli umwana uwa Sheyalitiyeli nu Yeshuwa umwana uwa Yozadaki na bakamu babo bosi, kokuti abaputi naba Levi sona na bosi babo bakanyokako kubukayidi nukwiza Yelusalemu bakanda imbombo iya buzengi. Bakabasala aba Levi abakwandila amaka 20 pamo ukuchilapo ukuti benelezyanje imbombo iyakuzenga Inyumba iya Mwene.

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 4:2

Pisiku lilalila ulusamba ulwa Mwene lukwiza pakuba lwakuboneka akiza nkani nulwa buchindamu, sona ivikomwa ivya chisu vikwiza pakuba vyakwituvya nivya buchindamu, ku bantu babo bakwiza pakulekiwa bumi mu Izilayeli.

Yesaya 53:2

Pakuti akakula pamaso pa Mwene ngati kakwi akabisi, sona ngati likwi iteta, ngati ligululuzi muchisu ichumizu. Atakaba wakuboneka akiza, pamo ichintu chimo ichakumuhobosya akiza ukuti tumwenelezyanje, atakaba wakuboneka akiza, umwakuti tumunyonywanje.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Ezekiyeli 41:1

Po umuntu yula akansendela mu Buzilo Ubuzelu Nkani, akapima izila iyakubukila mukasi yiyo mububaba yikaba amamita matatu.

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Mika 5:5

Sona akwiza nu mutende. Akwiza pakutupoka kuba Asiliya bo bakwiza nu bwite muchisu chitu nukwinjila mumalinga ghitu, tukwiza pakutuma abadimi seveni, pamo abalaghili eyiti.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Zekaliya 3:8

“ ‘Wee Yoshwa umuputi usongo poka na bamanyani bako, babo bikaye pamaso papako, ivwa kuno, awe we chimanyilo icha vintu ivyamuntazi. Nkwiza nu mubombi wane, yuyo we Lusamba.

Zekaliya 8:9

U Mwene Uwamaka Ghosi akuti, “Amwe mwe ilelo mukwivwa amazyu ghagho abalaghuzi bakunena, babo bakabapo bo bakwanda pakwala ulwalo ulwa Nyumba iya Mwene Uwamaka Ghosi, po mubanje na maka nkani, umwakuti Inyumba iya Mwene yingazengiwa sona.

Matayi 16:18

Pitala nkukubuzya ukuti awe we lyalabwe, pilyalabwe ili nkwiza pakuzengapo ichipanga chane nu bufwe bope bute bukachipote.

Matayi 26:61

nukuti, “Umuntu uyu akati, ‘Ningayimongolannya Inyumba iya Chala nukuyizenga sona mumasiku matatu.’ ”

Maliko 14:58

“Tukamwivwa umuntu uyu akuti, ‘Nkwiza pakuyimongolannya Inyumba iya Chala iyi, yiyo abantu bazengite, po bo ghachilapo amasiku matatu nkwiza pakuzenga iyinji yiyo yitazengiwe na bantu.’ ”

Maliko 15:29

Abantu babo bakadumusannyanga palapala bakapukuzya imitu yabo nukumusamula u Yesu ukuti, “Eya! Ute wewe ukatinji, ‘Nkwiza pakumongolannya Inyumba iya Chala nukuyizenga sona mumasiku matatu!’

Maliko 15:39

Bo usongo uwa basilikali ababwite, yuyo akimilila palapala ennya namumo u Yesu akafwila. Akati, “Naloli uyu akaba Mwana uwa Chala!”

Luka 1:78

U Chala witu wachisa nkani. Akwiza pakututumila ulukozyo ulwa kumwanya,

Yohani 1:45

U Filipu akamwagha u Nataniyele nukumubuzya ukuti, “Twamwagha yuyo u Mozesi akasimba mwibuku ilya Ndaghilo, sona yuyo abalaghuzi bakasimba ni zyache. We Yesu uwamu Nazaleti, umwana uwa Yosefu.”

Yohani 19:5

Po u Yesu akafuma kuzi bo avwalite impumpu iya mivwa ni nkazo inchesamu. U Pilati akababuzya akati, “Ennya, umuntu yula we uyu!”

Imbombo 13:38

Polelo bakamu bane, tukulonda ukuti amwe mumanye ukuti pachifukwa icha Yesu, tukulumbilila amazyu aghakuti imbibi zyinyu zingahobokeliwa,

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

1 Aba Kolinti 3:9

Pakuti aswe tukubombela poka imbombo iya Chala, amwe mwe mughunda uwa Chala, sona mwe Nyumba iya Chala.

Aba Hebeli 10:12

Loli u Kilisitu akabika ichakwiyipa choka bulo ichakwefesezya imbibi, po akikala pachitengo icha buchindamu kunyobe indilo iya Chala.

Aba Hebeli 7:24

Loli u Yesu akubangako bwila na bwila, sona ubuputi bwache bute bwakulekelana nu muntu uyunji, awe.

Aba Hebeli 7:4

Ennya bulo namumo ubukulu bwache bukabela. U Abulahamu, umunyenya witu umumanyikwe, akamupa ichigaba choka pa vigaba 10 ivya vintu vivyo akafyula kubwite.

Aba Hebeli 8:3

Umuputi wesi Usongo akusaliwa ukuti abike ivyabupi nivyakwiyipa kwa Chala. Polelo chikulondiwa ukuti Umuputi witu Usongo wepe abanje nacho chimo ichakwiyipa.