Zekaliya 6:11 - IBAYIBOLO 2024

¹¹ Senda u siliva nu golide yula nukuyannya impumpu, mumuvwike u Yoshwa umwana uwa Yehozadaki pakuba muputi usongo.

Zekaliya 6:11 Iomraidhean Croise

2 Samuweli 12:30

U Devedi yula akamufyula u mwene uwa ba Amoni impumpu. Ubung'wamu bwache bukaba amakilogalamu 35 agha golide, sona yikaba na mabwe aghamutengo. Po bakamuvwika u Devedi. Akavifyula ivintu ivyinji nkani ivya mukaya akakulu kala,

Ezila 10:18

Abanavuli babo bakaba na bachi abayeni bakaba bo aba: Pakasi pa baluko ulwa Yeshuwa umwana uwa Yozadaki, na bawamwabo pakabapo: U Maseya nu Eliyezeli nu Yalibu nu Gedaliya.

Ezila 3:2

U Yeshuwa umwana uwa Yozadaki nu muputi uwamwabo nu Zelubabeli umwana uwa Sheyalitiyeli poka na bamwabo bakanda pakuzenga sona ichighemo icha Chala uwa Izilayeli ukuti babikaye ivyakwiyipa ivyakocha ukuyana ni Ndaghilo izya Mozesi umubombi uwa Chala.

Masalimo 21:3

Ukamwizila nu lusayo ulukulu nkani, sona ukamuvwika impumpu iya golide umwenecho kumutu wache.

Ukufuma 29:6

Umuvwike impumpu kumutu wache yiyo yilukiwe na mazyu aghakuti, ‘Impaghuliwa kwa Mwene.’

Ukufuma 39:30

Bakapanga imbale iya mpumpu izelu iya golide umwenecho, po bakabizapo amazyu aghakuti, “Yapaghuliliwa kwa Mwene.”

Inyimbo izya Solomoni 3:11

Fuma kuzi, mwee bakolo aba mu Ziyoni, mwize mumwennye u mwene u Solomoni! Avwalite impumpu yiyo unyina akamuvwika, pisiku ilya sendwa yache, sona pisiku lilyo umoyo wache ghukahoboka nkani.

Aba Levi 8:9

Akamuvwika impumpu kumutu wache nukubika kuntazi kwache intepa iya golide pakuba chimanyilo ichipaghuliwa ngati mumo u Mwene akamulamulila u Mozesi.

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 1:14

Po u Mwene akaghunyamusya umuzimu uwa Zelubabeli umwana uwa Sheyalitiyeli, yuyo akaba mulaghili uwa chisu icha Yuda, sona nu muzimu uwa Yoshwa, umwana uwa Yehozadaki, yuyo akaba muputi usongo nu muzimu uwa bantu bosi abakusyalako. Bakiza nukwanda pakuzenga Inyumba iya Mwene Uwamaka Ghosi, u Chala wabo,

Hagayi 2:4

U Mwene Uwamaka Ghosi akuti, ‘Wee Zelubabeli, ilelo utakawanje amaka! Wee Yoshwa umwana uwa Yehozadaki, umuputi usongo ujimbaye. Amwe mwe bantu bosi aba muchisu mutakawanje amaka, pakuti akabalilo kosi indinamwe.

Zekaliya 3:1

Po u Mwene akandanjizya u Yoshwa umuputi usongo, yuyo akimilila pamaso pa wantumi uwa Mwene nu Satana, akimililagha kunyobe indilo iya Yoshwa ukuti amususye.

Zekaliya 3:5

Ane ne mulaghuzi nkati, “Muvwike impumpu yiyo yiswepite kumutu wache.” Po bakamuvwika impumpu yila, bakamuvwika sona amenda bo uwantumi yula imiliye palapala.

Zekaliya 6:14

Impumpu yiniyi yikwiza pakupeghiwa kwa Helidayi nu Tobiya, sona nu Yedaya nu Heni umwana uwa Zefaniya pakuba chikumbusyo mu Nyumba iya Mwene.

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela muchisa icha Chala, abafwile abantu bosi.

Ubuvumbuli 19:12

Amaso ghache ghakaba chee ngati zyo ndimi izya moto, sona akavwala impumpu inyinji nkani kumutu wache. Akasimbiwa itabwa papache, lilyo nayumo umuntu yuyo akalimanyagha, loli mwene bulo.

Ubuvumbuli 6:2

Po nkenelezya nukuyennya ifalasi inswepu. Uwakukwelapo akalema ubwele munyobe zyache, sona akapeghiwa impumpu iya bumwene. Akaba mupoti yuyo akabuka pakupota.