Zekaliya 6:1 - IBAYIBOLO 2024

¹ Nkatalankannya sona, nkazyennya ingolo folo zikufuma pakasi pamaghamba mabili, ghagho maghamba agha mukuba uwa chela.

Zekaliya 6:1 Iomraidhean Croise

2 Abamwene 6:17

U Elisha akiputi akati, “Wee Mwene umwighule amaso ghache ukuti ennye!” U Mwene akamwighula amaso uwambombo yula, po akatalankannya nukwennya amaghamba ghizuye ni falasi, sona ni ngolo izya bwite izya moto zimuzyunguliye u Elisha.

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Masalimo 33:11

Loli imbatiko izya Mwene zikuba bulabula bwila na bwila, sona inyinong'ono zyache zikubangako mupaka inkulilo zyosi.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yesaya 43:13

Ne Chala, nkwiza pakubangako bwila na bwila. Atalipo nayumoyumo yuyo angazompola munyobe zyane. Nkimba wewenu yuyo angazinyosya zizyo nkubomba?

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Daniyeli 4:15

Loli uchileke ichisinko poka na magululuzi ghache, sona uchipinye ichisinko chilachila nu bunyololo ubwa mukuba nukuchileka mwisote. Muleke mwisote mulamula ukuti anyekaye munganda, sona muleke ikale poka ni vinyamana poka ni sote.

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Daniyeli 8:22

Impembe folo zizyo zikamela papo pakabapo ulupembe lulo lukapyoka zikwimilila ubumwene folo bubo bukwiza pakuboneka ukufuma pakasi pa baluko lwache, loli amaka ghabo ghatakwiza pakuyana na maka agha mwene uwakwanda yula.

Zekaliya 5:1

Nkatalankannya sona, po nkennya ibuku ilyakubuluka.

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Imbombo 4:28

Bakabungana poka pakubomba vyosi vivyo awe na maka ghako, sona nu bwighane bwako ukabatika ukuti vikwiza pakubombiwa.

Aba Efeso 1:11

Ivintu vyosi vikubombiwa ukuyana na kabatikile na kadumulile aka Chala. U Chala akatusala mwa Kilisitu ukuti tubanje bantu abache na bache. Pakuti iyi yikaba yo fundo yache, ukuyana namumo akadumulila po pabwandilo.

Aba Efeso 3:11

U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.