Zekaliya 5:8 - IBAYIBOLO 2024

⁸ Uwantumi akati, “Yunuyu bo bubibi.” Sona akamusunkilizizya muchidudunga. Pisinda pache akakupikilapo.

Zekaliya 5:8 Iomraidhean Croise

Ubwandilo 15:16

Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

Masalimo 38:4

Imbibi zyane zyanyibizya, ngati we katundu umung'wamu nkani.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Nkuto 1:14

“Azipinyiliye imbibi zyane kwikoli, sona ni nyobe zyache akazipinyilila zyosi poka. Azipinyiliye musingo yane, u Mwene anyefya amaka, sona ambika munyobe izya bantu babo intangalwana nabo.

Hoseya 12:7

Umughulizi avighanite ivipimilo ivyabumyasi sona bighanite nkani pakubalyela abantu.

Amosi 8:5

Mukuti, “Nkimba Ukupanta ukwa Mwezi kukumala liyi, umwakuti tughulizye amapemba, nkimba Isiku Ilyakutuzya likumala liyi, umwakuti tughulizye amalezi? Ukuti tubachevye abantu indobo, nukukwezya imitengo sona tubazimbule ni vipimilo ivyabumyasi,

Mika 6:11

Nkimba ningamuhobokela umuntu yuyo akubombezya vipimilo ivyabumyasi, sona yuyo akubombezya inyambi izyabuzimbuli?

Zekaliya 5:7

Po ichikupikizyo chache icha chela iching'wamu chikefiwamo. Mulamula mukabamo umukolo!

Matayi 23:32

Po mwendelele nukumalizya zizyo abanyenya binyu bakanda!”

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.