Zekaliya 5:6 - IBAYIBOLO 2024

⁶ Nkalalusya nkati, “Nkimba cho choni?” Akamula akati, “Cho chidudunga ichakupimila.” Akanena sona akati, “Zinizi zyo mbibi izya bantu aba mu Yuda.”

Zekaliya 5:6 Iomraidhean Croise

Aba Levi 19:36

Mubombezyanje ivipimilo ivyanaloli, sona mutakabazimbulaye abantu bo muli pakupima ivintu. Ane ne Mwene, u Chala winyu, nkabefya muchisu icha Ijiputi.

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Amosi 8:5

Mukuti, “Nkimba Ukupanta ukwa Mwezi kukumala liyi, umwakuti tughulizye amapemba, nkimba Isiku Ilyakutuzya likumala liyi, umwakuti tughulizye amalezi? Ukuti tubachevye abantu indobo, nukukwezya imitengo sona tubazimbule ni vipimilo ivyabumyasi,

Amosi 8:6

tubaghule abapina nu siliva, sona abakusobelwa tubaghule ni nkwato, po tughulizye ni lyelelo bulo.”

Mika 6:10

Nkimba ningaluvya ubukabi bubo buli munyumba iya bantu ababibi, bubo batakabwaghila mubwanaloli, bakubombezya ivipimilo ivyabumyasi, chinichi cho chintu chicho inchibengite nkani?

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

Zekaliya 5:7

Po ichikupikizyo chache icha chela iching'wamu chikefiwamo. Mulamula mukabamo umukolo!