Zekaliya 4:7 - IBAYIBOLO 2024

⁷ “Ghope na maghamaba amakulu nkani ghakwiza pakuba makombe pamaso pa Zelubabeli, akwiza nibwe ilya pankuto bo abantu bakukolomoka bakuti, ‘Mwee yikuboneka akiza! Mwee yikuboneka akiza!’ ”

Zekaliya 4:7 Iomraidhean Croise

Ezila 3:10

Bo abazengi banda pakwala ulwalo ulwa Nyumba iya Mwene abaputi bakalizyanga amapati, bo bavwalite inkazo zyabo izyabuputi. Aba Levi, abaluko ulwa Asafu bakimbagha inyimbo izyakumupala u Mwene pakubombezya amalimba, ukuyana nu lulaghilo ulwa Devedi u mwene uwa Izilayeli.

Masalimo 114:4

Amaghamba ghakanyelanyela ngati bo badubi, sona tope utughamba tukanyelanyela ngati twana utwa ng'ozi.

Masalimo 114:6

Mwe maghamba, nkimba choni chicho mukanyelanyela ngati bo badubi? Namwe mwe tumaghamba, nkimba choni chicho mukanyelanyela ngati twana utwa ng'ozi.

Masalimo 118:22

Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Yesaya 41:15

Ennya, nkwiza pakubapela pakuba chela chakukomelapo ingano, chicho chili namino amapya sona chikwete. Ukwiza pakughanyampannya amaghamba nukughasya, nukutupela utumaghamba pakuba lufumbi.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Yelemiya 51:25

“Wee Babiloni, we lighamba ilyakunangannya, nkulwana nawe, wewe ukuchinangannya ichisu chosi ichapasi. Ane ne Mwene nanena. “Nkwiza pakukukoma ni nyobe yane, nukukubungulukizya pasi ukufuma pilyalabwe, nkwiza pakukupela pakuba lighamba ilyakulungulila.

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Mika 4:1

Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Zekaliya 4:8

U Mwene akambuzya sona akati,

Zekaliya 4:9

“U Zelubabeli weyuyo aluzenga ulwalo ulwa Nyumba iya Chala, sona weyuyo akwiza pakuyimalizya. Po mukwiza pakumanya ukuti u Mwene Uwamaka Ghosi antuma kukwinyu.

Matayi 21:21

U Yesu akamula akati, “Naloli nkubabuzya ukuti nanti mukusubila nukusita ukwilamwa mukwiza pakubomba vivyo nachibombela ichikuyu chinichi. Sona chite cho chinichi chene loli mungalibuzya ighamba ili ukuti, ‘Nyamuka bukagha nukwisumba munyanja.’ Po ichi chikwiza pakubombiwa.

Matayi 21:42

U Yesu akati, “Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi. Ichi chikabombiwa nu Mwene, po chakuswighisya nkani kukwitu?’

Maliko 12:10

Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo ilelo lyaba lyakulondiwa nkani ukuchila amabwe ghosi?

Luka 20:17

U Yesu akabennya nukubalalusya ukuti, “Po nkimba Amasimbo ghanagha ghakung'anamula choni? ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.’

Luka 3:5

Amakombe ghosi ghafukiliwe, ighamba lyosi na kaghamba kosi vitenganiziwe. Izila zyosi inyongane zigholosiwe, sona utuzila utwa tubanka tutenganiziwe.

Imbombo 4:11

U Yesu weyuyo Amasimbo ghakuti, ‘Ibwe lilyo mwe bazenga nyumba mukalikana, ilelo lyaba lyakulondiwa nkani ukuchila amabwe ghosi.’

Aba Loma 11:6

Loli ukusala ukwa Chala kukima pachisa chache, kute po pavintu vivyo bakabomba. Nanti zikabanga bunubu, kokuti ichisa chache, ngali chitakaba chisa ichenecho.

Aba Efeso 2:20

Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.

1 Pitala 2:7

Amwe mwe mukusubila, ibwe ili lyamutengo nkani, loli abantu babo batakusubila, “Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.”

Ubuvumbuli 16:20

Utusungo tosi tukazyebeluka, sona na maghamba bulo ghakazimila.