Zekaliya 4:6 - IBAYIBOLO 2024

⁶ Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Zekaliya 4:6 Iomraidhean Croise

Ubwandilo 41:16

U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”

1 Abamwene 19:12

Bo akasenyenta kala kamala, kukaba umoto, loli u Mwene atakaba mumoto ghulaghula. Bo moto ghula wazima, kukaba ukuteketa.

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Ezila 2:2

umwakulongoziwa nu Zelubabeli nu Yeshuwa nu Nehemiya nu Selaya nu Lelaya nu Molidikayi nu Bilishani nu Misipali nu Bigivayi nu Lehumu nu Baana. Ubwinji ubwa bantu aba mu Izilayeli bukaba bo ubu:

Ezila 3:10

Bo abazengi banda pakwala ulwalo ulwa Nyumba iya Mwene abaputi bakalizyanga amapati, bo bavwalite inkazo zyabo izyabuputi. Aba Levi, abaluko ulwa Asafu bakimbagha inyimbo izyakumupala u Mwene pakubombezya amalimba, ukuyana nu lulaghilo ulwa Devedi u mwene uwa Izilayeli.

Ezila 5:2

Po u Zelubabeli umwana uwa Sheyalitiyeli nu Yeshuwa umwana uwa Yozadaki bakabuka ku Yelusalemu pakuzenga sona Inyumba iya Chala. Bope abalaghuzi aba Chala bakaba poka nabo nukubavwa.

Masalimo 33:16

Atalipo nayumoyumo u mwene yuyo akupota pachifukwa icha basilikali bache abamaka, pamo umusilikali ukupona pachifukwa icha maka ghache amakulu.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 30:1

U Mwene akuti, “Chighune ku bantu babo basambuke, abantu babo bakubatika ivintu vivyo te vyane, po bakufinga ulufingo lulo lute lwa Muzimu wane awe, bakulundika imbibi pa mbibi.

Yesaya 32:15

mupaka papo Umuzimu ikila papitu ukufuma kumwanya, sona ninkolongo pakuba mughunda uwamuvundo, ghope umughunda uwamuvundo ghukuboneka ngati musitu.

Yesaya 34:16

Ennya nukubelenga mwibuku ilya Mwene: Patalipo nayumoyumo yuyo akwiza pakusobela, sona patalipo nayumoyumo yuyo akwiza pakusobelwa ukwenda nawe. Pakuti gho mulomo wache ghugho walamula, sona u Muzimu wache ghukwiza pakuvibungannya poka.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Daniyeli 2:34

Bo ukwennya, ibwe lilyo litakapangiwa ni nyobe izya muntu, likadumuliwa. Ibwe lila likatizannya inyayo izya chela ichakongannya ni tope izya chifwani chila.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 2:21

“Mubuzye u Zelubabeli umulaghili uwa chisu icha Yuda ukuti, ‘Nkwiza pakuyingannya ku kumwanya ni chisu ichapasi.

Zekaliya 6:12

Po umubuzye ukuti: U Mwene Uwamaka Ghosi ati, ‘Ennya umuntu yuyo itabwa lyache we Lusamba, pakuti akwiza pakumela papo ali, sona akwiza pakuzengapo Inyumba iya Mwene.

Ukubelengiwa 27:16

“Wee Mwene Chala we mbwibwi iya bumi ubwa bantu bosi, umusale umuntu yumo ukuti achilongozyanje ichilundilo chinichi

Aba Efeso 6:17

Vwala ubupoki pakuba chisote chinyu, sona amazyu agha Chala ghabanje wepanga uwa Muzimu Umuzelu.

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:47

Abantu bosi babo babungana pano bakwiza pakuzimanya ukuti u Mwene atakumupoka umuntu pakubombezya upanga pamo impalala. Pakuti u Mwene weyuyo akulwa ubwite, sona akwiza pakubabika mwebosi munyobe zyitu.”