Zekaliya 4:14 - IBAYIBOLO 2024

¹⁴ Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Zekaliya 4:14 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Ezila 5:2

Po u Zelubabeli umwana uwa Sheyalitiyeli nu Yeshuwa umwana uwa Yozadaki bakabuka ku Yelusalemu pakuzenga sona Inyumba iya Chala. Bope abalaghuzi aba Chala bakaba poka nabo nukubavwa.

Masalimo 110:4

U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 89:20

Namwagha u Devedi umubombi wane. Po namupakazya amafuta amazelu

Ukufuma 29:7

Senda amafuta nukumupungulila pamutu wache nukumupakazya.

Ukufuma 40:15

Ubapakazye na mafuta ngati mumo ukamupakazizya uwise, ukuti babanje baputi bane. Ukupakazya kunuku kukwiza pakubapela ukuti babanje baputi bane mupaka inkulilo zyosi izya muntazi.”

Yesaya 5:1

Teghelezya bo nkukwimbila ulwimbo ulu, ulwimbo ulwa mumanyani wane nu mughunda wache uwa mampesya, Umumanyani wane akaba nu mughunda uwa mampesya, ghugho ghukaba pighamba lilyo likaba ni tope ilya muvundo.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Aba Levi 8:12

Akamupungulila u Aloni amafuta ghamo aghakupakazya pamutu wache ukuti amupaghule.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Zekaliya 6:13

Weyuyo akwiza pakuzenga Inyumba iya Mwene sona akwiza pakuvwinkiwa nu buchindamu, akwiza pakulaghila bo ikaye pachitengo chache. Akwiza pakubapo sona umuputi papipi ni chitengo icha bumwene. Abantu babili banaba bakwiza pakubomba imbombo nu moyo ghoka.’

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Ukukumbusya Amalamulo 10:8

Pakabalilo kalakala u Mwene akalupaghula uluko ulwa Levi ukuti lunyamulaye Ibokosi ilya Lufingo ulwa Mwene nukwimilila pamaso papache pakumubombela imbombo iya buputi, sona nukubasaya abantu mwitabwa lyache. Iyi yo mbombo yabo yiyo bakuyibomba mupaka nilelo bulo.

Yoshwa 3:11

Po Ibokosi ilya Lufingo ilya Mwene uwa chisu chosi ichapasi liloboke ulusoko ulwa Yolodani ukulongolela kuntazi kukwinyu.

Yoshwa 3:13

Bo abaputi babo banyamuye Ibokosi ilya Lufingo ilya Mwene lila, yuyo we Mwene uwa chisu chosi ichapasi, akanya bulo mumizi mula, amizi ghosi agha mu Yolodani ghakwiza pakuleka pakwenda, sona ghakwiza pakwima ngati lubumba.”

Ubuvumbuli 11:4

Abakaboni babili aba gho makwi mabili agha misyunguti, sona ni nyale zibili zizyo zili pamaso pa Mwene uwa chisu ichapasi.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”