Zekaliya 3:7 - IBAYIBOLO 2024

⁷ “U Mwene Uwamaka Ghosi ati, ‘Nanti ukwiza pakuzyivwila indaghilo zyane nukubomba zyizyo nkakubuzya ukuti ubombe, ukwiza pakubalaghila abamunyumba yane. Ukwiza pakuba nubulaghili mu Nyumba iya Chala sona nuwakwenelezya ulubinjilo lwache, nkwiza pakukwitikizya pakwikala poka na bantu babo bimiliye pano.

Zekaliya 3:7 Iomraidhean Croise

Ubwandilo 26:5

Nkwiza pakukusaya pachifukwa ichakuti u Abulahamu akanyivwila, sona akakonka indaghilo na malamulo ghane ghosi.”

1 Abamwene 2:3

Ubombaye zyosi zizyo u Mwene u Chala akukulamula. Ukonkaye indaghilo zyache na malamulo ghache ni vimanyisyo vyache sona na zyosi zizyo akulonda, ukuyana namumo zisimbiliwe mu Ndaghilo izya Mozesi, umwakuti ivintu vikwendelaye akiza pavyosi vivyo ukubomba, sona kosi kuko ukubuka.

1 Abamwene 3:14

Sona nanti ukunyivwila nukukonka indaghilo na malamulo ghane, ngati mumo ughuso u Devedi akabombelagha, ukwiza pakuba nubumi ubutali.”

1 Imbili 23:32

Aba Levi benelezyanje Ichisakasa icha Mwene mu Chipinda Ichizelu pakubavwa abakamu babo, abaluko ulwa Aloni. Babanje sona ni mbombo iyakwenelezya ichiputo mu Nyumba iya Mwene.

Yesaya 62:9

Loli babo bakwinula ingano bo babo bakwiza pakulya, nukumupala u Mwene. Sona babo bakwinula amampesya, bo babo bakwiza pakung'wela uvinyo, mulubinjilo ulwa mubuzilo bwane ubuzelu.”

Ezekiyeli 44:8

Mutakuvisunga akiza ivintu vyane ivizelu, loli mwabasala abeyeni ukuti basungaye Ubuzilo bwane Ubuzelu.

Ezekiyeli 48:11

Ichigaba ichi chikwiza pakuba cha baputi babo bapaghuliwe, aba Zadoki, babo bakaba basubiliwa pakumbombela ane sona batakasobela ngati mumo aba Levi bakabombela, bo aba Izilayeli bakusobela.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Aba Levi 8:35

Mwikalaye pamulyango uwa Chisakasa icha Mwene amasiku seveni, umusanya nu busiku, sona mubombaye zizyo u Mwene akubalamula. Nanti mutakubomba zinizi, mukwiza pakufwa pakuti ichi cho chicho u Mwene akandamula.”

Zekaliya 3:6

Uwantumi uwa Mwene yula akamubuzya u Yoshwa akati,

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Zekaliya 6:15

Abantu bosi babo bali kubutali, bakwiza pakwavwa pakuzenga Inyumba iya Mwene, po bakwiza pakumanya ukuti u Mwene Uwamaka Ghosi antuma pakasi papabo. Zinizi zikwiza pakubombiwa nanti naloli mukughivwila amazyu agha Mwene u Chala winyu.”

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Yohani 14:2

Munyumba iya Tata wane muli ivipinda ivyinji ivyakwikalamo, nanti vitakabangamo ngali imbabuzizye. Pakuti nkubuka pakubayanizya ubuzilo.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.