Zekaliya 3:10 - IBAYIBOLO 2024

¹⁰ “ ‘Pisiku linilyo, umuntu wesi uwa amwe akwiza pakumwitizya umupalamani wache ukuti ikale mukazundila aka mampesya ghache sona naka ikuyu.’ ” U Mwene Uwamaka Ghosi anena.

Zekaliya 3:10 Iomraidhean Croise

1 Abamwene 4:25

Pakabalilo kosi aka Solomoni, abantu bosi aba muchisu icha Yuda nicha Izilayeli bakaba mubwabuke, ukwandila ku Dani mupaka ku Belisheba. Umuntu wesi akikalagha umwakufwasa mu mampesya aghache na ghache, sona na makwi agha ikuyu.

1 Abamwene 5:5

Polelo nkubatika pakumuzengela Inyumba u Mwene u Chala wane ukuyana namumo akamubuzizya utata wane u Devedi ukuti, ‘Umwana wako yuyo nkwiza pakumwikazya pachitengo chako akwiza pakunzengela inyumba iya kunchindikilamo.’

Yesaya 32:18

Abantu bane bakwiza pakwikala mubuzilo ubwa mutende, sona namunyumba izyakufwasa, munyumba izya myee na mubuzilo ubwakufwasa.

Yesaya 36:16

“Mutakamuteghelezyanje u Hezekiya. Izi zyo zyizyo u mwene uwamu Asiliya akunena akuti, ‘Twitinkane ukuti pabe umutende pakasi pa amwe naswe. Po umuntu wesi uwa amwe akwiza pakulya ivikomwa ivya ikwi lyache ilya mampesya nilya chikuyu nukung'wela amizi aghakufuma muntamba iya mizi iyache ni yache.

Yelemiya 32:15

Pakuti umu momumo u Mwene Uwamaka Ghosi, u Chala uwa Izilayeli akunenela akuti: Inyumba na maghunda sona na mampesya vikwiza pakughuliwa muchisu ichi.’ ”

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Mika 4:4

Umuntu wesi akwiza pakwikala mukazundila aka mampesya ghache, sona na mukazundila aka makuyu ghache. Po atalipo nayumoyumo yuyo akwiza pakuboghofya, pakuti u Mwene Uwamaka Ghosi anena.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.