Zekaliya 3:1 - IBAYIBOLO 2024

¹ Po u Mwene akandanjizya u Yoshwa umuputi usongo, yuyo akimilila pamaso pa wantumi uwa Mwene nu Satana, akimililagha kunyobe indilo iya Yoshwa ukuti amususye.

Zekaliya 3:1 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

1 Imbili 21:1

Pakabalilo kamo u Satana akalondagha pakubapelela intamyo aba Izilayeli nukumudeba u Devedi ukuti ababelenge aba Izilayeli.

2 Imbili 29:11

Mwee bamanyani bane, mutakakabaye, pakuti u Mwene abasala amwe ukuti mwimaye pamaso papache nukumubombela sona mufukizyanje utwakununkila.”

Ezila 10:18

Abanavuli babo bakaba na bachi abayeni bakaba bo aba: Pakasi pa baluko ulwa Yeshuwa umwana uwa Yozadaki, na bawamwabo pakabapo: U Maseya nu Eliyezeli nu Yalibu nu Gedaliya.

Ezila 2:2

umwakulongoziwa nu Zelubabeli nu Yeshuwa nu Nehemiya nu Selaya nu Lelaya nu Molidikayi nu Bilishani nu Misipali nu Bigivayi nu Lehumu nu Baana. Ubwinji ubwa bantu aba mu Izilayeli bukaba bo ubu:

Ezila 5:2

Po u Zelubabeli umwana uwa Sheyalitiyeli nu Yeshuwa umwana uwa Yozadaki bakabuka ku Yelusalemu pakuzenga sona Inyumba iya Chala. Bope abalaghuzi aba Chala bakaba poka nabo nukubavwa.

Masalimo 106:23

Bo u Chala anena ukuti akwiza pakubanangannya abantu bache, Umubombi wache umusaliwa u Mozesi akimilila pakasi pabantu nu Chala, pakumulaba ukuti abutozole ubukali bwache umwakuti atakabanangannye.

Masalimo 109:6

Sala umuntu uwakwiminkana nawe, Po uwakunsusya imililaye kunyobe yache indilo.

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Ezekiyeli 44:11

Bakwiza pakuba babombi bane Mubuzilo bwane Ubuzelu, ukuti babanje balindilili abapamulyango uwa Nyumba iya Chala nukubomba mulamula. Baghoghe ichinyamana pakuba chakwiyipa ichakocha sona ni chakwiyipa icha bantu, bakwiza pakwimilila pamaso pabantu nukubabombela.

Ezekiyeli 44:15

“ ‘Loli abaputi aba Levi, babo baluko ulwa Zadoki, sona na babo bakambombela umwakusubiliwa Mubuzilo bwane Ubuzelu, bo aba Izilayeli bepako kukwane, bapalamiliye kupipi pamaso papane ukuti bambombelaye, bimililaye pamaso papane pakubika ichakwiyipa ichamafuta nibanda, u Mwene Uwamaka Ghosi anena.

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 1:12

Po u Zelubabeli umwana uwa Sheyalitiyeli nu Yoshwa umwana uwa Yehozadaki, yuyo akaba muputi usongo, sona na bantu bosi abakusyalako bakamwivwilagha u Mwene u Chala wabo, sona na mazyu agha mulaghuzi u Hagayi, pachifukwa ichakuti u Mwene u Chala wabo weyuyo akamutuma. Po abantu bakamuchindika u Mwene.

Hagayi 2:4

U Mwene Uwamaka Ghosi akuti, ‘Wee Zelubabeli, ilelo utakawanje amaka! Wee Yoshwa umwana uwa Yehozadaki, umuputi usongo ujimbaye. Amwe mwe bantu bosi aba muchisu mutakawanje amaka, pakuti akabalilo kosi indinamwe.

Zekaliya 1:13

U Mwene akamwamula uwantumi yula ni chisa sona na mazyu aghalukazyo.

Zekaliya 1:19

Nkamulalusya uwantumi yuyo akanenagha nane nkati, “Nkimba vinivi vyo vyoni?” Akanyamula akati, “Zinizi zyo mpembe zizyo zikamunyampannya u Yuda nu Izilayeli, sona nu Yelusalemu.”

Zekaliya 1:9

Nkamulalusya nkati, “Wee songo, nkimba banaba bo bawenu?” Uwantumi yuyo akanenagha nane akanyamula akati, “Nkwiza pakukulanjizya mumo babeleye.”

Zekaliya 2:3

Po uwantumi yuyo akanenagha nane akabuka, uwantumi uyunji akiza pakukomana nawe.

Zekaliya 3:8

“ ‘Wee Yoshwa umuputi usongo poka na bamanyani bako, babo bikaye pamaso papako, ivwa kuno, awe we chimanyilo icha vintu ivyamuntazi. Nkwiza nu mubombi wane, yuyo we Lusamba.

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Zekaliya 6:11

Senda u siliva nu golide yula nukuyannya impumpu, mumuvwike u Yoshwa umwana uwa Yehozadaki pakuba muputi usongo.

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Luka 22:31

“Simoni, Simoni! Teghelezya, u Satana amulaba u Chala ukuti amwitikizye ukuti abayele pakubapeta ngati ngano.

Ukukumbusya Amalamulo 10:8

Pakabalilo kalakala u Mwene akalupaghula uluko ulwa Levi ukuti lunyamulaye Ibokosi ilya Lufingo ulwa Mwene nukwimilila pamaso papache pakumubombela imbombo iya buputi, sona nukubasaya abantu mwitabwa lyache. Iyi yo mbombo yabo yiyo bakuyibomba mupaka nilelo bulo.

Ukukumbusya Amalamulo 18:15

Loli u Mwene u Chala winyu akwiza pakubatumila umulaghuzi ngati nene uwakufuma pakasi pabantu binyu. Po amwe mumwivwilaye.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

1 Samuweli 6:20

Abantu aba mu Beti Shemeshi bakalalusya bakati, “Nkimba wewenu angimilila pamaso pa Mwene, u Chala Umuzelu uyu? Nkimba Ibokosi ilya Lufingo ilya Chala uwa Izilayeli tukwiza pakulituma kwiyi, bo lyepako kuno?”