Zekaliya 2:8 - IBAYIBOLO 2024

⁸ Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

Zekaliya 2:8 Iomraidhean Croise

Ubwandilo 20:6

Po u Chala akamwamula muchilota akati, “Eee, inzimenye ukuti ukabomba chinichi nu mabyebye umwiza. Ane nkakukanizya ukuti utakanangilaye pakumupalamasya umukolo yunuyu.

2 Abamwene 24:2

U Mwene akatuma amavyondongo agha mu Babiloni nagha mu Siliya nagha mu Mowabu sona nagha mu Amoni pakuchinangannya ichisu icha Yuda, ukuyana namumo u Mwene akababuzizya ababombi bache abalaghuzi.

Masalimo 17:8

Unsungililaye ngati po ne mboni iya lyiso, unfisaye kusi kuvipapande vyako.

Ivyili 7:2

Sunga amalamulo ghane, po ukwiza pakuba nubumi, sungilila ivimanyisyo vyane ngati we mboniboni iya mulyiso lyako.

Yesaya 49:19

“Napapo ichisu chinyu chikananganika nukuba chisami sona chikalekiwa. Po chikwiza pakuba chinandi nkani ku bantu binyu ukuti bikalayemo, sona abantu babo bakabanangannya, bakwiza pakuba kubutali namwe.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 27:7

Inko zyosi zikwiza pakumubombela yuyo nu mwana wache sona nu mwizukulu wache mupaka akabalilo kafikile kako ichisu chache chikwiza pakulaghiliwa ninko inyinji. Po abantu aba inko inyinji na bamwene abamaka bakwiza pakumupela pakuba muzya wabo.

Ezekiyeli 25:12

“U Mwene Uwamaka Ghosi akuti, ‘Abantu aba mu Edomu bali ninongwa pachifukwa icha ku batanizya abamunyumba iya Yuda,

Ezekiyeli 25:15

“Po u Mwene Uwamaka Ghosi akuti, ‘Aba Filisiti bakatanizya, sona bakatanizya na moyo amabibi pakwitikizya pakumunangannya u Yuda nulubengo lwabo lulo lutakumala,

Ezekiyeli 26:2

“Wee mwana uwa muntu, pachifukwa ichakuti abantu aba mu Tile bakababuzya nizya Yelusalemu ukuti, ‘Ennya! Ulwiyi ulwa inko lwapyoka, sona lwighuka ukuti twinjilemo, pachifukwa ichakuti akaya aka Yelusalemu kipela pakuba chisami, nkwiza pakuba ne mukabi,’

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

Ezekiyeli 35:5

“ ‘Pachifukwa ichakuti ukalanjizya ulubengo paba Izilayeli ulusita kumala nukubaghoghela kubwite pakabalilo akantamyo zyabo, sona pakabalilo kako ulufundo lwabo lwafika pabumalilo,

Ezekiyeli 36:11

Nkwiza pakubabalizya abantu bane ni vinyamana, sona bakwiza pakupapa abana abinji. Abantu babo bakwikala pakasi papinyu nkwiza pakubabalizya ngati mumo bakabela kale sona ivintu vikwiza pakubendelagha akiza ukuchila kale. Po mukwiza pakumanya ukuti ane ne Mwene.

Ezekiyeli 38:11

ukwiza pakunena ukuti, “Nkwiza pakulwa ni chisu chicho chili nutwaya utusita amalinga, nkwiza pakubanyelela abantu babo bakwikala umwakufwasa, sona batavighililiwe na malinga pamo ninyiyi pamo nimpingwi.

Ezekiyeli 38:14

“Polelo, wee mwana uwa muntu, laghula nukumubuzya u Gogi ukuti, ‘U Mwene Uwamaka Ghosi ati: Mwisiku lilalila, bo abantu bane aba Izilayeli bakwikala umwakufwasa, nkimba utakwiza pakuzimanya?

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Amosi 1:13

U Mwene akuti, “Pakuti abantu aba mu Amoni bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabatumbula akabibi abakolo abanyanda aba mu Giliyadi, umwakuti babanje ni chisu ichikulu nkani.

Amosi 1:9

U Mwene akuti, “Pakuti abantu aba mu Tile bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabaghulizya abazya bosi mu Edomu, sona bakaluvya ulufingo ulwa bukamu bwabo.

Mika 4:11

Loli inko inyinji zyakubunganila ukuti zilwe namwe ubwite. Bakuti, “Muleke abanje munyazu, ghaleke amaso ghitu ghamulolotele u Ziyoni!”

Mika 5:6

Bakwiza pakuchimala ichisu icha Asiliya nupanga, sona ni chisu icha Nimulodi. Akwiza pakutupoka munyobe izya Asiliya, bo bakwiza muchisu chitu nukwenda mumpaka zyitu.

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Habakuku 2:17

Ulombwa losi lulo ukababombela abantu aba mu Lebanoni lukwiza pakukunangannya nawe bulo, ukughoghiwa ukwa vinyamana kukwiza pakuboghofya. Pakuti wakupula ibanda ilya bantu, nukupela ulombwa muvyisu na mutwaya utukulu nkani, sona na wesi yuyo ali mulamula.

Habakuku 2:8

Pachifukwa ichakuti wazifyula inko inyinji, abantu babo basyalikiye bope bakwiza pakukufyula ivintu vyako. Pakuti wakupula ibanda ilya bantu, nukupela ulombwa muvyisu na mutwaya utukulu nkani, sona na wesi yuyo ali mulamula.

Zefaniya 2:8

“Nivuye intuko izya ba Mowabu, sona nu musamu uwa ba Amoni, babo bakubasamula abantu bane, nukuboghofya ukuti bakwiza pakuchifyula ichisu chabo.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Zekaliya 2:9

Naloliloli, nkwiza pakuzikoma inko zinizi ni nyobe yane, po abazya babo bakwiza pakubafyula ivintu ivya inko zila.” Po mukwiza pakumanya ukuti u Mwene Uwamaka Ghosi antuma.

Zekaliya 8:5

Imisebo iya mukaya akakulu nkani yikwiza pakwizula na balumendo na balindu, babo bakwiza pakwangalagha mulamula.”

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Matayi 25:40

U Mwene akwiza pakwamula ukuti, ‘Naloli nkubabuzya ukuti akabalilo kosi kako ukamubombela ichiza umuntu weka uwa bakamu bane yuyo munandi nkani, ukambombela nene!’

Matayi 25:45

U Mwene akwiza pakwamula ukuti, ‘Naloli nkubabuzya ukuti akabalilo kosi kako mukukana pakumwavwa umuntu weka uwa bakamu bane yuyo munandi nkani, po mukakana pakunyavwa.’

Yohani 14:26

Loli Umwavwilizi, u Muzimu Umuzelu, yuyo Utata akwiza pakubatumila mwitabwa lyane, akwiza pakubamanyisya nukubakumbusya vyosi vivyo nababuzya.

Yohani 17:18

Ngati mumo ukantumila muchisu ichapasi, umwakuyana bulo, nane nabatuma muchisu ichapasi.

Imbombo 9:4

Po akawa pasi nukwivwa izyu likunena likuti, “Sabuli, Sabuli! Choni chicho ukunvwima?”

Ukukumbusya Amalamulo 32:10

Akabagha munkolongo muchisu mumo mutakabamo nakamokamo. Akabavighilila nukubasungilila ngati mumo angalisungilila ilyiso lyache.

2 Aba Tesalonika 1:6

U Chala mugholosu, po akwiza pakutanizya amayimba abantu babo bakubapelela amayimba,

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.