Zekaliya 2:4 - IBAYIBOLO 2024

⁴ Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Zekaliya 2:4 Iomraidhean Croise

Esitele 9:19

Ichi cho chifukwa aba Yuda babo bakwikala mutwaya bakuba nu lusekelo pisiku ilya 14 mumwezi uwa Adala sona pakuba lisiku ilyakugabana ivyabupi.

Yesaya 33:20

Ennya mukaya akakulu nkani aka Ziyoni, akaya akalusekelo lwitu, Amaso ghinyu ghakwiza pakumwennya u Yelusalemu, ubuzilo ubwakwikalamo mumo muli umutende, ichisakasa chicho chitakwiza pakunyunkuliwapo, pamo inkusa ukudumuka.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yesaya 49:20

Abana babo bakapapiliwa mukabalilo kabuzya bwinyu, bakwiza pakunena ukuti, ‘Ubuzilo ubu bunandi kukwitu, mutupe ubuzilo ubukulu ubwakwikalamo.’

Yesaya 54:16

“Ennya, nene nkabapela abakusyana, babo bakupemba umoto uwa mazimwa, nukuyanizizya ivilwilo. Sona nene nkamupela umughoghi, ukuti akunangannye.

Yelemiya 1:6

Ane nkati, “Wee, Mwene Uwamaka Ghosi, ane ne mwana munandi nukunena kope intamenye.”

Yelemiya 31:24

Abantu bakwiza pakwikala poka mu Yuda na mutwaya twache utukulu, abalimi na babo bakwendakwenda bulo ni midimo yabo.

Yelemiya 31:27

U Mwene akuti, “Amasiku ghakwiza ghagho aba Izilayeli naba Yuda poka ni vinyamana bakwiza pakubala nkani.

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Ezekiyeli 38:11

ukwiza pakunena ukuti, “Nkwiza pakulwa ni chisu chicho chili nutwaya utusita amalinga, nkwiza pakubanyelela abantu babo bakwikala umwakufwasa, sona batavighililiwe na malinga pamo ninyiyi pamo nimpingwi.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Mika 7:11

Wee Yelusalemu, akabalilo akakuzengela amalinga ghako kakwiza pakufikila, isiku ilyakonjelezya impaka zyako likwiza pakufikila.

Zekaliya 1:16

“Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Zekaliya 1:17

“Endelela pakufumusya bulo ukuti: U Mwene Uwamaka Ghosi ati, ‘Utwaya twane utukulu nkani tukwiza pakwizula ni vintu ivyiza, po u Mwene akwiza pakumusangalusya sona u Ziyoni nukumusala u Yelusalemu.’ ”

Zekaliya 12:6

“Pisiku lilalila nkwiza pakubapela abalongozi aba mu Yuda pakuba ngati moto mumusitu, sona ngati nkose izya ngano inyumizu. Zikwiza pakuzilungulizya inko zyosi zizyo zibazyunguliye kundilo na kumongo, loli u Yelusalemu akwiza pakwikala mubuzilo bwache.

Zekaliya 14:12

Ichi cho chiwaya chicho u Mwene akwiza pakuzifunda nacho inko zyosi, zizyo zikalwa ubwite nu Yelusalemu: Amabili ghabo ghakwiza pakubola bo bimiliye, amaso ghabo ghakwiza pakubola, sona zyope indimi zyabo zikwiza pakubola mumalomo ghabo.

1 Timoti 4:12

Patakabepo umuntu uwakukusula pachifukwa ichakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.