Zekaliya 2:13 - IBAYIBOLO 2024

¹³ Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Zekaliya 2:13 Iomraidhean Croise

2 Imbili 30:27

Abaputi naba Levi bakimilila nukubasaya abantu, po u Chala akabivwa, pakuti ulwiputo lwabo lukafika kumwanya kukaya kache akazelu.

Masalimo 11:4

U Mwene ali munyumba yache izelu, sona ikaye pachitengo chache kumwanya. Amaso ghache ghakubennya abantu bosi, sona akubapima bosi.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 68:5

Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Masalimo 78:65

Pabulamilo u Mwene akaba ngati alamusya bulo mutulo, ngati po muntu uwamaka yuyo akukolomoka pachifukwa icha kukolwa.

Yesaya 14:2

Inko izinji zikwiza pakubavwa aba Izilayeli pakunyokela mubuzilo ubwabo nu bwabo. Inko inyinji zikwiza pakumubombela u Izilayeli, ngati bambombo abanavuli naba mbombo abakolo muchisu icha Mwene. Babo bakabalema aba Izilayeli bakwiza pakulemiwa pakuba bazya, nukubalaghila babo bakabayivyanga.

Yesaya 19:16

Pisiku lilalila aba Ijiputi bakwiza pakuba ngati bakolo. Bakwiza pakutetema nukunyila pamaso pa Mwene Uwamaka Ghosi pachifukwa icha bukali bubo akwiza pa kubalanjizya.

Yesaya 41:1

U Chala akuti, “Amwe mwe tusungo mubanje myee pamaso papane, leka inko amaka ghanyokelayemo Zagha, tukomane poka pabuzilo ubwa bulongi.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 57:5

Mukwiputagha ivifwani nukunyonywa pakubomba ububibi, muntende mwiku ilya mupandapanda nikwi lyosi ibisi, mukubika abana binyu pakuba chakwiyipa mumakombe, na mumpako izya ilyabwe.

Yesaya 63:15

Eee Mwene, ennya pasi ukufuma uko kumwanya, po wennye pachitengo icha bumwene ichizelu, sona icha buchindamu. Nkimba ulweke lwako, na maka ghako vili ko kwiyi? Fwandi ichisa ni chililizi chako vili ko kwiyi.

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Zefaniya 2:9

Polelo, ane ne Mwene Uwamaka Ghosi u Chala umumi uwa Izilayeli nkulapa nkuti, ‘Naloliloli ichisu icha Mowabu chikwiza pakuba ngati cha Sodomu, sona bope aba Amoni bakwiza pakuba ngati chisu icha Gomola. Vikwiza pakuba vibanka ivya mbeya ni visami bwila na bwila. Abantu bane abakusyalako bakwiza pakuchifyula ichisu chabo, abakupona aba inko yane bakwiza pakupyana ichisu chabo.’ ” U Mwene anena.

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Zekaliya 4:9

“U Zelubabeli weyuyo aluzenga ulwalo ulwa Nyumba iya Chala, sona weyuyo akwiza pakuyimalizya. Po mukwiza pakumanya ukuti u Mwene Uwamaka Ghosi antuma kukwinyu.

Zekaliya 6:15

Abantu bosi babo bali kubutali, bakwiza pakwavwa pakuzenga Inyumba iya Mwene, po bakwiza pakumanya ukuti u Mwene Uwamaka Ghosi antuma pakasi papabo. Zinizi zikwiza pakubombiwa nanti naloli mukughivwila amazyu agha Mwene u Chala winyu.”

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

Aba Loma 9:20

Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?”

Ukukumbusya Amalamulo 18:21

Lumo mungilalusya mwebene ukuti, “Nkimba tungaghamanya bulibuli ukuti amazyu agha mulaghuzi yunuyu ghate gha Mwene?”

Ukukumbusya Amalamulo 18:22

Nanti zizyo umulaghuzi akunenela mwitabwa ilya Mwene zitakukwanilisiwa, kokuti amazyu ghalaghala ghate gha Mwene. Umulaghuzi yulayula anena bulo ivyache, po mutakamunyilaye.

Ukukumbusya Amalamulo 26:15

Bo uli kumwanya kubuzilo bwako ubuzelu, wennye pachisu ichapasi, nukubasaya abantu bako aba Izilayeli. Uchisaye sona ni chisu icha mboto chicho utupiye, ukuyana namumo ukabalapila kubanyenya bitu.”