Zekaliya 2:11 - IBAYIBOLO 2024

¹¹ Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Zekaliya 2:11 Iomraidhean Croise

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Ukufuma 12:49

Ululaghilo ulu lubombeziwanje na bantu bosi, manyi benekaya manyi bayeni babo bakwikala pakasi papinyu.”

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 48:16

Po ilelo palamila nukuteghelezya izi: Ukwanda ko kubwandilo nanena pabuzelu, pakabalilo kako zikabombiwanga, nkabanga palapala.” Po ilelo u Mwene Uwamaka Ghosi, antuma nu Muzimu wache.

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Yesaya 66:19

“Nkwiza pakubika ichimanyilo pakasi papabo, sona nkwiza pakutuma babo bakapona ku inko, kuchisu icha ku Talishishi nicha ku Libiya nicha Lidiya nicha Tubali sona nicha Gilisi na kuvyisu ivyakubutali ivya mulubazu munyanja vivyo vitivuye ubumanyikwe bwane pamo ukubwennya ubuchindamu bwane. Bakwiza pakufumusya ubuchindamu bwane pakasi pa inko.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 50:8

“Chimbilamo muchisu icha mu Babiloni! Epemo mubantu aba mu Babiloni, Sona mubanje ngati we sabwe yuyo akughulongozya umudimo.

Ezekiyeli 33:33

“Bo vyosi vinivi vyakwanilisiwa sona nanti naloliloli vyabombiwa vivyo ukababuzyanga, po bakwiza pakuzyaghannya ukuti umulaghuzi ame panapa.”

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Zekaliya 1:16

“Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 3:10

“ ‘Pisiku linilyo, umuntu wesi uwa amwe akwiza pakumwitizya umupalamani wache ukuti ikale mukazundila aka mampesya ghache sona naka ikuyu.’ ” U Mwene Uwamaka Ghosi anena.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Yohani 17:21

Nkubiputila ukuti bosi babanje muntu weka. Wee Tata, ubapelaye ukuti babanje mumwitu ukuyana namumo awe uli mumwane, nane indi mumwako. Babanje muntu weka, umwakuti abantu aba muchisu ichapasi basubile ukuti awe wewe ukantuma.

Yohani 17:23

Ane mumwabo, awe mumwane, umwakuti babanje weka umwakufikapo ukuti abantu aba muchisu ichapasi bazimenye ukuti awe wewe ukantuma, sona ukuti ubaghanite ukuyana namumo unganiye.

Yohani 17:25

Wee Tata umugholosu, abantu aba muchisu ichapasi batakumenye awe, loli ane nkumenye, sona aba bazimenye ukuti awe wewe ukantuma.

Imbombo 28:28

U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”