Zekaliya 14:4 - IBAYIBOLO 2024

⁴ Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Zekaliya 14:4 Iomraidhean Croise

2 Samuweli 15:30

Loli u Devedi akendelela nu bulendo bwache ubwa kwi Ghamba ilya Misyunguti, bo akulila. Akivwinka kumutu, sona atakavwala inkwato. Abantu bosi babo bakaba nawe bope bakivwinka kumitu, sona bakalilagha, bo bakubuka.

Ezekiyeli 11:23

Ubuchindamu ubwa Mwene bukepamo mukaya akakulu nkani kala nukubuka kwighamba ilya kubufumilo bwizuba.

Ezekiyeli 38:20

Iswi izya munyanja, iviyuni ivya mumwanya, ivinyamana ivya munkolongo, ichipeliwa chosi chicho chikwenda pasi, na bantu bosi babo bali pachisu ichapasi bakwiza pakutetema pamaso papane. Amaghamba ghakwiza pakung'anamukila pasi, ivibanga vyope vikwiza pakuwa sona ulubumba losi lukwiza pakuwa pasi.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Zekaliya 14:10

Ichisu chosi chikwiza pakuba likombe ukwanda ku Geba mupaka ku Limoni, kuntende ukwa kaya akakulu nkani aka Yelusalemu. Loli u Yelusalemu akwiza pakuba buzilo ubwakukwela ukwanda pa Mulyango uwa Benjamini mupaka pa Mulyango Uwakwanda, mupaka pa Mulyango Uwapakunto, sona ukwanda pa Chitembe icha Hananeli mupaka pachakukanyilamo amampesya icha mwene.

Zekaliya 14:7

Ukulama kukwiza pakubako bwila na bwila, umusanya pamo ubusiku butakwiza pakubangako. Isiku linilyo we Mwene mpela alimenye. Pachamabwila kukwiza pakuba ulukozyo.

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Zekaliya 4:7

“Ghope na maghamaba amakulu nkani ghakwiza pakuba makombe pamaso pa Zelubabeli, akwiza nibwe ilya pankuto bo abantu bakukolomoka bakuti, ‘Mwee yikuboneka akiza! Mwee yikuboneka akiza!’ ”

Maliko 11:23

Naloli nkubabuzya ukuti umuntu wesi yuyo akulibuzya lighamba ili ukuti, ‘Nyamuka nukwisumbila munyanja,’ nukusita ukwilamwa mumoyo wache, loli akusubila chicho anena ukuti chikwiza pakubombiwa, naloli chikwiza pakubombiwa.