Zekaliya 14:16 - IBAYIBOLO 2024

¹⁶ Po abantu bosi abakusyala bumi pakasi pa inko, babo bakalwanga ubwite nu Yelusalemu, bakwiza pakubukagha pakumwiputa u Mwene, umwaka nu mwaka u Mwene Uwamaka Ghosi nukuba nu Lusekelo ulwa Visakasa.

Zekaliya 14:16 Iomraidhean Croise

2 Imbili 8:13

ngati namumo vikalondeliwanga isiku ni siku ukuyana namumo u Mozesi akalamulila nizya Isiku Ilyakutuzya nu Kupanta ukwa Mwezi nu lusekelo lulo lukabombiwanga katatu pa mwaka nu Lusekelo ulwa Chibama chicho chite ni chilungo nu Lusekelo ulwa Nyinulo sona nu Lusekelo ulwa Visakasa.

Ezila 3:4

Bakaba nu Lusekelo ulwa Visakasa ukuyana nu lulaghilo lwache, po isiku ni siku bakabikagha ivyakwiyipa ivyakocha vivyo vikalondiwanga pisiku lilalila.

Masalimo 66:4

Abantu bosi pachisu ichapasi bakukufughamilila, sona bakukwimbila inyimbo izya mapalo, pakulipala itabwa lyako.”

Yesaya 18:7

Pakabalilo kalakala u Mwene Uwamaka Ghosi akwiza pakupeghiwa ivyabupi, ku bantu abatalitali babo amabili ghabo miza, ukufuma ku bantu abakoghofya aba papipi naba kubutali inko inkali izya ndimi injeni, babo ichisu chabo chigabiwe nisoko, ivyabupi vikwiza pakubikiwa Pighamba ilya Ziyoni, ubuzilo ubwa Itabwa ilya Mwene Uwamaka Ghosi.

Yesaya 19:21

Po u Mwene akwiza pakwivumbula mwene kuba Ijiputi, sona pisiku lilalila bakwiza pakumwitika u Mwene. Bakwiza pakumwiputa pakubika ivyakwiyipa ivyakocha ni vyakwiyipa ivya busu, bakwiza pakupanga ivilapo nu Mwene nukuvisunga.

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 66:23

Pisiku ilya Kupanta ukwa Mwezi ukufika Pisiku ilinji ilya Kupanta ukwa Mwezi ughunji, ukwanda Pisiku Ilyakutuzya ukufika Pisiku ilinji Ilyakutuzya, umuntu wesi akwiza pakwiputagha pantazi papane.” U Mwene anena.

Yelemiya 46:18

“U Mwene Uwamaka Ghosi akuti: Nkulapa ukuti weka akwiza yuyo ali ngati lighamba ilya Taboli, pakasi pamaghamba, ngati lighamba ilya Kalimeli, lilyo lili mulubazu ulwa nyanja.

Yelemiya 48:15

Umu momumo u Mwene Uwamaka Ghosi akunenela: Uwakumunangannya u Mowabu nutwaya twache utukulu nkani afika, abalumendo bache abiza bika pakughoghiwa.

Yelemiya 51:57

Nkwiza pakughapela amakambala ghache na bantu abamahala pakuba bachakolwa, poka na balaghili na balongozi sona na basilikali bulo. Bakwiza pakughona utulo utwakufwa nato sona batakwiza pakulamusya. Ane ne Mwene Uwamaka Ghosi nanena.”

Hoseya 12:9

Ane ne Mwene u Chala winyu, yuyo akabefya muchisu icha Ijiputi. Nkwiza pakubapela ukuti mwikalaye muvisakasa, ukuyana namumo mukabombelagha pa Lusekelo lwa Visakasa.

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Zekaliya 9:7

Batakwiza pakulya inyama iya libanda, sona ni vyakulya ivinji ivyamwiko. Abantu abakusyalako bakwiza pakuba ba Chala witu, nukuba luko ulwa chisu icha Yuda, sona u Ekiloni akwiza pakuba ngati boba Yebusi.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Luka 19:38

“U Chala amusaye u mwene yuyo akwiza mwitabwa ilya Mwene. Umutende kumwanya nkani, sona ubuchindamu kwa Chala.”

Yohani 1:49

U Nataniyele akamwamula akati, “Wee Mumanyisi, we Mwana uwa Chala! We Mwene uwa ba Izilayeli.”

Yohani 7:2

Akabalilo aka Ulusekelo ulwa Visakasa ulwa Chiyuda lukaba papipi.

Imbombo 15:17

Abantu abakusyala bosi bakwiza pakundonda, sona na bantu bosi babo bate ba Yuda bakwitiziwa ni tabwa lyane.

Aba Loma 11:16

Nanti akamenyu akakwanda aka chibama kapaghuliliwa kwa Chala, kokuti chope ni chibama chosi chipaghuliliwe. Sona nanti igululuzi lizelu, kokuti zyope ni samba zelu.

Aba Loma 11:26

Umu momumo aba Izilayeli bosi bakwiza pakupokeliwa. Pakuti Amasimbo ghakuti, “Umupoki akwiza pakufuma mu Ziyoni nu kwefya imbibi zyosi izya baluko ulwa Yakobo.

Aba Loma 11:5

Umu momumo vibeleye nilelo: Basyala abantu banandi bulo pakasi paba Izilayeli, babo u Chala akabasala pachifukwa icha chisa chache.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”