Zekaliya 13:9 - IBAYIBOLO 2024

⁹ Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 13:9 Iomraidhean Croise

2 Samuweli 7:24

Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Yobu 28:1

Naloliloli kuli umugodi uwa siliva sona nu buzilo bubo ugolide akusungunuliliwangako.

Masalimo 144:15

Basayiwa abantu babo bakupokela ulusayo lunulu. Basayiwa abantu babo u Mwene we Chala wabo.

Masalimo 43:4

Po nkwiza pakubuka pachighemo icha Chala, yuyo akumpanga ubuhobosu nukusekela. Po nkwiza pakulizya ichinanda pakukupala we Chala wane.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Inyimbo izya Solomoni 2:16

Umughaniwa wane sona nane ne wache, akudima umudimo wache pakasi pa bwezya.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 48:10

Ennya, mumo nabaswefezya, loli ate ngati we siliva awe, nabayezya mumuvuno uwa mayimba.

Yesaya 58:9

Po ukwiza pakwitizya, sona u Mwene akwiza pakwamula, nanti ukulila, akwiza pakwamula ukuti, ‘Ane indipano.’ “Nanti mukuleka pakubakanyilila abantu ni koli, nukuleka ukusontana ninyobe nukunenana ububibi,

Yelemiya 24:5

“Ane ne Mwene u Chala uwa Izilayeli nkuti, ‘Abazya aba ku Yuda babo nkabefyako ku buzilo ubu nukubuka nabo kuchisu icha ku Babiloni, bayanite bulo na makuyu amiza agha.

Yelemiya 30:22

Polelo amwe mukwiza pakuba mwe bantu bane sona nane nkwiza pakuba ne Chala winyu.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:38

Bakwiza pakuba bantu bane, sona Nkwiza pakuba ne Chala wabo.

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Ezekiyeli 11:20

Po bakwiza pakusunga indaghilo zyane nukughivwila akiza amalamulo ghane. Bakwiza pakuba bantu bane sona nkwiza pakuba ne Chala wabo.

Ezekiyeli 14:11

Po abantu aba mu Izilayeli batakwiza pakwepako kukwane pamo ukwinyazya bene ni mbibi zyabo. Bakwiza pakuba bantu bane, sona nane nkwiza pakuba ne Chala wabo, u Mwene Uwamaka Ghosi anena.’ ”

Ezekiyeli 20:38

Nkwiza pakubefyapo pakasi papinyu abantu babo bakansambukila nukunangila. Napapo nkwiza pakubefyamo muchisu chicho bakikalaghamo, loli pope bulo batakwiza pakwinjilamo muchisu icha Izilayeli. Po mukwiza pakumanya ukuti ane ne Mwene.

Ezekiyeli 36:28

Mukwiza pakwikala muchisu chicho nkabapa abanyenya binyu, mukwiza pakuba bantu bane sona ane nkwiza pakuba ne Chala winyu.

Ezekiyeli 37:27

Inyumba yane yikwiza pakuba pakasi papabo. Nkwiza pakuba ne Chala wabo sona abene bakwiza pakuba bantu bane.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Imbombo 2:21

Umuntu wesi yuyo akulabila mwitabwa ilya Mwene akwiza pakupokiwa.’

Aba Hebeli 8:10

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

1 Pitala 4:12

Mwee bamanyani bane abaghaniwa, mutakaswighaye ni njelo impalapala zizyo mukukomana nazyo ngati po chintu chimo ichiyeni chabawila.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.

Ubuvumbuli 8:10

Po uwantumi uwabutatu akalizya ipati lyache. Ulutondwa ulukulu, lulo lukakagha ngati cho chikoka lukawila pachigaba choka icha vigaba vitatu ivya soko napa mbwibwi izya mizi.

Ubuvumbuli 8:11

Itabwa ilya lutondwa lulalula likaba we “Kubaba.” Ichigaba choka icha vigaba vitatu ivya mizi chikababagha, sona abantu abinji bakafwa, bo bang'wela amizi ghalaghala pakuti ghakababagha nkani.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.

Ubuvumbuli 8:8

Po uwantumi uwabubili wepe akalizya ipati lyache. Ichintu chimo chicho chikabonekagha ngati lyo lighamba ikulu nkani lilyo lili pamoto chikasumbiwa panyanja. Ichigaba choka pa vigaba vitatu ivya nyanja chikanduka libanda,

Ubuvumbuli 8:9

Ichigaba choka pa vigaba vyosi vitatu icha vipeliwa ivyabumi munyanja, chikafwa, sona ichigaba choka pa vigaba vitatu ivya mabwato amakulu nkani vikananganika.