Zekaliya 13:7 - IBAYIBOLO 2024

⁷ U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Zekaliya 13:7 Iomraidhean Croise

Masalimo 2:2

Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.

Yesaya 1:25

Nkwiza pakubafunda nkani, sona nkwiza pakubaswefya ngati chela mumo chikusunguluziwa pakwefya ububibi bosi.

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 47:6

“Amwe mukumulila mukuti, ‘Wee panga uwa Mwene, nkimba ukwiza pakutuzya liyi? Nyokela munyambi yako, ikala munumo nukutuzya.’

Ezekiyeli 21:28

“Wee mwana uwa muntu, laghula nukunena ukuti, ‘Izi zyo zizyo u Mwene Uwamaka Ghosi akunena ukuyana nizya ba Amoni sona nintuko zyabo ubabuzye amazyu aghakuti: Upanga, upanga, awesiwa ukuti aghoghe abantu, akumesya ukuti anangannye sona akunyezimila ngati kamesya!

Ezekiyeli 21:3

sona uchibuzye ukuti, ‘U Mwene akuti: Ane nkulwana namwe. Nkwiza pakuwesa upanga munyambi yache nukubaghogha mwebosi abagholosu na babibi.

Ezekiyeli 37:24

“ ‘Umubombi wane u Devedi akwiza pakuba we mwene wabo, sona bosi bakwiza pakuba nu mudimi weka. Bakwiza pakukonka indaghilo zyane nukusungilila akiza ivimanyisyo vyane.

Ezekiyeli 7:6

Ubumalilo bwafika! Ubumalilo bwafika! Ennya bwabawila, wee Izilayeli, bwafika!

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Zekaliya 11:11

Po ulufingo lula lukamala pisiku lilalila, abantu abakughulizya ing'ozi bakanyenelezyanga, bakamanya ukuti we Mwene akunena.

Zekaliya 11:4

U Mwene u Chala wane akuti, “Dimagha ing'ozi zizyo zyabikiwa ukuti zighoghiwe.

Zekaliya 11:7

Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 10:42

Umuntu wesi yuyo akumupa ulubako ulwa mizi amakatazu yumo uwa bamanyili bane pachifukwa ichakuti mumanyili wane, naloli nkubabuzya ukuti akwiza pakupokela umuvwalo wache.”

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 18:10

“Muchebaye ukuti mutakusula weka uwa bana abanandi banaba. Pakuti nkubabuzya ukuti akabalilo kosi abantumi babo aba kumwanya bali pamaso pa Tata wane uwakumwanya.

Matayi 18:14

Momumo Ughuso uwakumwanya atakulonda ukuti yumo uwa bana abanandi banaba asobele.

Matayi 26:31

U Yesu akababuzya akati, “Ubusiku ubu mwebosi mukwiza pakuntoloka, pakuti Amasimbo ghakuti, ‘Nkwiza pakumughogha umudimi, po ing'ozi zyosi zikwiza pakunyampana.’

Matayi 26:56

Loli vyosi vinivi vyabombiwa ukuti vivyo abalaghuzi bakasimba vikwanilisiwe.” Po abamanyili bache bosi bakamuleka nukuchimbila.

Maliko 14:27

U Yesu akababuzya akati, “Mwebosi mukwiza pakuntoloka, pakuti Amasimbo ghakuti, ‘Nkwiza pakumughogha umudimi, po ing'ozi zyosi zikwiza pakunyampana.’

Maliko 14:50

Po abamanyili bache bosi bakachimbila nukumuleka mwene.

Luka 12:32

“Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

Luka 17:2

Chingaba chizapo ukuti umuntu yula bamupinyilile ulwala ulukulu musingo nukumusumbila munyanja nukuchila ukuti amupelele weka uwa bana abanandi aba pakubomba imbibi.

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Yohani 10:30

Utata nane tuli weka.”

Yohani 10:38

Loli nanti mutakunsubila, musubile bulo imbombo zizyo nkubomba, umwakuti mumanye ukusita ukwilamwa ukuti Utata ali mumwane, sona nane indi mwa Tata.”

Yohani 14:1

U Yesu akababuzya abamanyili bache akati, “Mutakapasyanje mumoyo ghinyu. Mumusubilaye u Chala sona munsubilaye nane.

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

Yohani 16:15

Vyosi vivyo Utata ali navyo vyane. Ichi cho chifukwa nkanena ukuti u Muzimu Umuzelu akwiza pakusenda zizyo nkunena nukubabuzya amwe.

Yohani 16:32

Akabalilo kakwiza, sona kakwana kale, bo mukwiza pakusata, umuntu wesi kukaya kache nukundeka nemwene. Loli inte nemwene pakuti Utata ali poka nane.

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Yohani 8:58

U Yesu akabamula akati, “Naloli nkubabuzya ukuti ane nkabako kale bo nu Abulahamu achili pakupapiwa.”

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Aba Loma 4:25

Pachifukwa icha mbibi zyitu akabikiwa ukuti aghoghiwe, po u Chala akamuzyusya kubufwe, umwakuti tuneniwe pakuba bantu bagholosu pamaso papache.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Galatiya 3:13

U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.”

Aba Filipi 2:6

Yuyo pakuba mukabele aka Chala atakipima mwene ukuti chikaba chapamwanya nkani ukufyuliwa ubwachala bwache.

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

1 Pitala 5:4

Sona bo Umudimi usongo aboneka, mukwiza pakupokela impumpu iya buchindamu, yiyo yitakuchujapo nalumo.

1 Yohani 2:2

Umwene we chakwiyipa ichakuhobokeleliwamo imbibi zyitu. Atakutuhobokela imbibi zyitu zyene, awe, loli ni mbibi zyope izya bantu bosi aba muchisu ichapasi.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.