Zekaliya 13:4 - IBAYIBOLO 2024

⁴ “Pisiku linilyo, umulaghuzi wesi akwiza pakukoziwa isoni pachifukwa icha chisetuka ichabulaghuzi bwache chicho akachennya. Atakwiza pakuvwala sona inkazo iya meya iya balaghuzi umwakuti abazimbulaye abantu.

Zekaliya 13:4 Iomraidhean Croise

2 Abamwene 1:8

Bakamwamula bakati, “Umuntu wache wameya, sona apinyite ulamba uwikwela mumusana wache.” U mwene akabamula akati, “Wee Eliya umu Tishibi.”

Yesaya 20:2

Pakabalilo kalakala u Mwene akamubuzya u Yesaya umwana uwa Amozi akati, “Vula amasaka ni nkwato.” Po akabomba bunubu bo akwenda nkule sona ni nyayo zyene.

Yelemiya 2:26

“Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Matayi 3:4

U Yohani akavwalagha amenda aghameya agha ngamila nulamba uwikwela mumusana wache, po ichakulya chache chikaba we kanta nu buchi.

Maliko 1:6

U Yohani akavwalagha amenda aghameya agha ngamila nulamba uwikwela mumusana wache, po ichakulya chache chikaba we kanta nu buchi.

Aba Hebeli 11:37

Abantu bamo bakabaghogha pakubatiza na mabwe, abanji bakabadumulannya pabili, sona bakabaghogha nupanga. Bakendendekagha bulo bo bavwalite amakwela agha ng'ozi pamo amakwela agha mbuzi. Bakaba bapina, bakavwimiwa, sona bakayiviwa nkani.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”