Zekaliya 13:3 - IBAYIBOLO 2024

³ Nanti umuntu yumo achili akumulaghula, uwise pamo unyina, babo bakamupapa, umubuzye ukuti, ‘Utakabanje we mumi, abaghiye afwanje, pachifukwa ichakuti akumutamantila u Mwene.’ Nanti akulaghula, abapapi bache bakwiza pakumughogha.

Zekaliya 13:3 Iomraidhean Croise

Yelemiya 23:25

“Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 23:34

Nanti umulaghuzi, pamo umuputi pamo umuntu uyunji wesi akuti, ‘Agha gho mazyu agha Mwene,’ nkwiza pakumufunda umuntu yula poka naba munyumba yache.

Yelemiya 28:15

Po umulaghuzi u Yelemiya akamubuzya u mulaghuzi u Hananiya akati, “Wee Hananiya teghelezya! U Mwene atakutumite loli pope bulo wayizimbula inko iyi ukuti yisubilaye ivyabumyasi.

Ezekiyeli 13:23

Polelo mutakwiza pakwennya ivisetuka ivyabumyasi pamo ukulaghula. Nkwiza pakubapoka abantu bane munyobe zyinyu. Po mukwiza pakumanya ukuti ane ne Mwene.’ ”

Ezekiyeli 14:9

“ ‘Sona nanti umulaghuzi azimbuliwa ukuti alaghule zimo, ane ne Mwene nene namuzimbula umulaghuzi yulayula, po nkwiza pakulwana nawe nukumughoghela pakasi pabantu bane aba Izilayeli.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Matayi 10:37

“Umuntu wesi yuyo amughanite nkani uwise pamo unyina ukunchila, atabaghiye pakuba mumanyili wane; umuntu wesi yuyo amughanite nkani umwana umulumendo pamo umulindu ukunchila, atabaghiye pakuba mumanyili wane.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

Ukukumbusya Amalamulo 18:20

Loli nanti umulaghuzi yumo akunenela mwitabwa lyane, bo ane ntamulamuyepo pamo umulaghuzi yumo akunenela mwitabwa ilya bachala abanji, aghoghiwanje.”

Ukukumbusya Amalamulo 33:9

U Levi akaghivwila amazyu ghako, nukulusunga ulufingo lwako. Akaba musubiliwa nkani kukwako, ukumuchila uwise nu nyina, na bawamwabo, sona na bana bache.