Zekaliya 12:8 - IBAYIBOLO 2024

⁸ Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Zekaliya 12:8 Iomraidhean Croise

Masalimo 8:5

Ukamupela pakuba munandi nkani ukuchila u Chala, po ukamuvwika impumpu iya buchindamu nu muchizi.

Masalimo 82:6

“Po nkati, ‘Mwe bachala, sona mwebosi mwe bana aba Uwakumwanya Nkani.’

Ukufuma 14:19

Po uwantumi uwa Chala uwakubalongolela aba Izilayeli akepako kuntazi kukwabo nukwima kwisinda. Impanda iya libingu yope yikepako kuntazi kukwabo nukwima kwisinda.

Ukufuma 33:2

Nkwiza pakumutuma uwantumi wane pantazi papinyu pakubachimbizyamo aba Kenani naba Amoli naba Hiti naba Pelezi naba Hivi sona naba Yebusi.

Yesaya 30:26

Umwezi ghukwiza pakulama ngati lizuba, ukulama kwizuba kukwiza pakulama amasiku seveni, ngati kulama ukwa masiku ghosi seveni, bo u Mwene akubapinya ivilonda abantu bache nukubapozya mumo bavulala.

Yesaya 31:4

Izi zyo zizyo u Mwene akumbuzya akuti, “Ngati mumo inkalamu pamo inkalamu inandi, yikubulumila panyama yache, po nanti akabukatila aka badimi kitiziwa pakulwana nawe, utakoghofiwa nukukolomoka kwabo, pamo ukutetema pachifukwa icha chongo chabo, pamo pate icha kumuvulungannya nachimo po u Mwene Uwamaka Ghosi, akwiza pakulwa ubwite Pighamba ilya Ziyoni.

Yesaya 33:24

Atalipo nayumoyumo yuyo akwikala mu Ziyoni akwiza pakunena ukuti, “Ane ne mubine” sona ni mbibi izya babo bakwikala mulamula zikwiza pakuhobokeliwa.

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 27:10

Pakuti bakulaghula ivyabumyasi umwakuti abalwani binyu babasendele kubutali ni chisu chinyu nukuzimila kulakula.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Hoseya 12:3

Bo ali mulwanda ulwa nyina, akachilema ichitende icha wamwabo, sona bo akula akalwana nu Chala.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Yoweli 3:10

Syana amajembe ghinyu pakuba wepanga, zyope isengo zyinyu pakuba zyo mpalala. Abadedebazu banenaye ukuti, ‘Najimba u moyo!’

Aba Levi 26:8

Abantu fayivi bulo bakwiza pakubachimbizya abantu 100, sona abantu 100 bulo bakwiza pakubachimbizya abantu 10,000. Amwe mukwiza pakubapota abalwani binyu nupanga.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 7:16

Inko zikwiza pakwennya, nukukoziwa isoni, pachifukwa icha maka ghabo. Bakwiza pakubika inyobe zyabo pamalomo ghabo, sona amakutu ghabo ghakwiza pakuba na mapuli.

Mika 7:8

We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.

Zekaliya 10:7

Aba Efulayimu bakwiza pakuba ngati bantu abamaka nkani, bakwiza pakuhoboka nkani mumoyo ngati bantu babo bakolizwe u vinyo. Abana babo bakwiza pakuchennya nukusekela, amoyo ghabo ghakwiza pakuhoboka mwa Mwene.

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Zekaliya 9:8

Ane nkwiza pakuba ne mulindilili uwa chisu, umwakuti atakabepo uwakwendamo. Nayumoyumo umuyivyi akwiza pakubapota abantu bane, pakuti ilelo nkubenelezya.

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

Aba Hebeli 11:34

bakazimya umoto uwakoghofya, bakapona kwa panga uwakughogha. Napapo bakaba badedebazu, loli bakapokela amaka, umwakuti bakabachimbizya abasilikali aba balwani babo.

Yoshwa 23:10

Umuntu wesi mumwinyu angabachimbizya abantu 1,000, pachifukwa ichakuti u Mwene u Chala winyu weyuyo akubalwila ubwite ukuyana namumo akabalayizizya.

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”