7 “Ane ne Mwene nkwiza pakutupoka tasi utwaya utwa mu Yuda, umwakuti umuchizi uwa bamunyumba iya Devedi sona nuwa bantu babo bakwikala mu Yelusalemu ghutakabanje mukulu nkani ukughuchila uwa Yuda.
Naloli ngali wikwezya wemwene ukunchila, nukukupela ukwiyisya kwane pakuba mazyu ghakulwana nane,
Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.
Nkwiputa ukuti, “Mutakabitikizye ukuti basekelelaye papane. Abantu babo bakwikwezya bo ulwayo lwane lukutyelemuka.”
Nanti umulwani yumo akansamulagha, ngali najimbite. Nanti yuyo akituvikizya papane akaba mulwani wane, ngali navwamite.
U Mwene Uwamaka Ghosi weyuyo akabatika ukuti akuwisye pasi, ukwituvya kosi ukwa buchindamu, nukubasamula abachindikiwa bosi pachisu ichapasi.
U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.
U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,
Po ulufingo lula lukamala pisiku lilalila, abantu abakughulizya ing'ozi bakanyenelezyanga, bakamanya ukuti we Mwene akunena.
Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.
Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.
Nkimba po tungituvya ni choni? Nachimochimo! Fwandi ichifukwa chache cho choni? Nkimba Pachifukwa ichakuti tukukonka Indaghilo? Awe, loli pachifukwa ichakuti tukusubila.
Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?
Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”