Zekaliya 12:6 - IBAYIBOLO 2024

⁶ “Pisiku lilalila nkwiza pakubapela abalongozi aba mu Yuda pakuba ngati moto mumusitu, sona ngati nkose izya ngano inyumizu. Zikwiza pakuzilungulizya inko zyosi zizyo zibazyunguliye kundilo na kumongo, loli u Yelusalemu akwiza pakwikala mubuzilo bwache.

Zekaliya 12:6 Iomraidhean Croise

Yesaya 54:3

Pakuti ukwiza pakuvikuzulila kundilo na kumongo, abaluko lwako bakwiza pakufyula ichisu icha inko izinji, nukwikala mutwaya twabo utukulu nkani tuto tukalekiwa.

Yesaya 9:20

Kundilo bakwiza pakulya, loli pope bulo bakwiza pakuba nizala, kumongo bakwiza pakulya loli batakwiza pakwikuta. Umuntu wesi akwiza pakulya abana bache.

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Obadiya 1:18

Abaluko ulwa Yakobo bakwiza pakuba ngati moto, sona abaluko ulwa Yosefu bakwiza pakuba ngati ndimi iya moto. Loli abaluko ulwa Esabu bakwiza pakupya, ngati mumo umoto ghukochela ivizinka. Atakwiza pakubako nayumo uwakupona pabaluko ulwa Esabu.” U Mwene anena.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Zekaliya 1:16

“Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Zekaliya 11:1

Wee Lebanoni, ighula imilyango yako, umwakuti umoto ghughalungulizye amakwi ghako agha mwale.

Zekaliya 12:5

Po abalongozi aba mu Yuda bakwiza pakunena bene mumoyo ghabo ukuti, ‘Abantu aba mu Yelusalemu bamaka, pachifukwa ichakuti u Mwene Uwamaka Ghosi we Chala wabo.’

Zekaliya 2:12

Abantu aba mu Yuda bakwiza pakuba mpyana iya Mwene muchisu ichizelu, po akaya aka Yelusalemu kakwiza pakuba kaya kache akapamoyo.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Zekaliya 9:15

akwiza pakubavighilila. Bakwiza pakubapota nukubanangannya pakubasumba na mabwe. Bakwiza pakung'wela nukukolomoka ngati po bakolizwe nu vinyo. Bakwiza pakwizula ni banda ngati nyinga, izyakubombezya pakunyafila inkuto izya chighemo.

2 Aba Kolinti 6:7

na mazyu ghitu aghanaloli, sona na maka agha Chala. Twalanjizya ni vilwilo ivigholosu kunyobe indilo, sona na kumongo.

Ubuvumbuli 20:9

Po bakasata pachisu chosi ichapasi nukuvizyungulila ivisakasa ivya bantu aba Chala nakaya akakulu nkani kako akaghanite. Loli umoto ghukika kumwanya nukubanangannya.