Zekaliya 12:2 - IBAYIBOLO 2024

² “Ennya, nkwiza pakumupela u Yelusalemu pakuba ngati lubako ulwa vinyo, inko zyosi zizyo zibazyunguliye zikwiza pakung'wela nukutantalila ngati bantu babo bakolizwe. Chope ichisu icha Yuda chikwiza pakuzyunguliliwa poka nu Yelusalemu.

Zekaliya 12:2 Iomraidhean Croise

Masalimo 75:8

U Mwene alemite ulubako munyobe, lulo lwizuye nu vinyo uwa itatafula umongannye ni vyakunonezya ichakulya. Akumupungula, po abantu ababibi bosi aba muchisu ichapasi bakung'wela, bakung'wela wesi mupaka pamasika.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yelemiya 25:15

U Mwene, u Chala uwa ba Izilayeli akambuzya akati, “Senda ulubako ulwa vinyo ulwizule nubukali bwane, uzing'wesye inko zyosi zizyo nkukutumako.

Yelemiya 25:17

Po nkasenda ulubako lula munyobe izya Mwene nukuzing'wesya inko zyosi zizyo nkatumiwako:

Yelemiya 49:12

Umu momumo u Mwene akunenela, “Nanti babo batabaghiye pakung'wela ulubako, babaghiye pakung'wela, po nkimba mukwinong'ona ukuti mukwiza pakupona ulufundo ulu? Mutakwiza pakupona, loli mubaghiye pakung'wela.

Yelemiya 51:57

Nkwiza pakughapela amakambala ghache na bantu abamahala pakuba bachakolwa, poka na balaghili na balongozi sona na basilikali bulo. Bakwiza pakughona utulo utwakufwa nato sona batakwiza pakulamusya. Ane ne Mwene Uwamaka Ghosi nanena.”

Yelemiya 51:7

U Babiloni akaba ngati lo lubako ulwa golide munyobe izya Mwene, lulo lukapela ichisu chosi ichapasi ukuti chikolwe. Inko zyosi zikang'wela u vinyo wache, polelo, ilelo zyapena.

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

Zekaliya 14:14

Bope aba Yuda bakwiza pakulwa ubwite nu Yelusalemu. Po ubukabi bosi ubwakuzyungulila inko bukwiza pakufyuliwa kokuti u golide nu siliva sona na menda aminji.

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.

Ubuvumbuli 14:10

wepe akwiza pakung'wela uvinyo uwabukali ubwa Chala. Uvinyo yuyo ate mongannye nachimochimo. Akwiza pakuyiviwa numoto, sona nu sulufule pamaso pa bantumi abazelu aba Chala, na pamaso pa Mwana uwa ng'ozi.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

Ubuvumbuli 18:6

Umubombelaye bulo vivyo wepe akakubombela, umutanizikizyanje kabili pa zizyo abomba. Izuzya kabili ulubako lwache ulwa ntamyo zizyo wepe akwiza pakuyimba nazyo.