Zekaliya 12:10 - IBAYIBOLO 2024

¹⁰ “Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 12:10 Iomraidhean Croise

Ubwandilo 45:1

Po u Yosefu akapotwa pakwilema pamaso pa bambombo bache bala, po akakolomoka akati, “Abantu bosi bafumemo muno.” U Yosefu atakalondagha ukuti umuntu yumo abemo bo akwilanjizya mulamula ku bawamwabo.

Ubwandilo 45:2

Akakolomoka nkani umwakuti aba Ijiputi babo bakaba kuzi bakamwivwa, po ipangwi likabafika abamunyumba iya mwene u Falabo.

Masalimo 51:12

Unyosekezye sona ubuhobosu ubwa bupoki bwako, sona umpanje umoyo uwakwivwila.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Ivyili 4:3

Bo inchili ne mulumendo munyumba iya tata, bo inchili ne bonda, sona mughaniwa uwa mayi wane,

Yesaya 32:15

mupaka papo Umuzimu ikila papitu ukufuma kumwanya, sona ninkolongo pakuba mughunda uwamuvundo, ghope umughunda uwamuvundo ghukuboneka ngati musitu.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yelemiya 31:19

Pakuti bo twakunangila, tukapinduka. Bo twazyaghannya tukikoma pachifuba. Twakoziwa isoni nukusamuliwa pa zizyo twabomba, pachifukwa icha mbibi zyitu izya ku bulumendo.’

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Yelemiya 50:4

U Mwene akuti, “Mumasiku ghalaghala sona pakabalilo kalakala, abantu aba mu Izilayeli poka naba mu Yuda bakwiza pakulilagha bo bakumulondelezya u Mwene u Chala wabo.

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Ezekiyeli 20:43

Po mulamula mukwiza pakukumbuka inkalo yinyu ni mbombo zyinyu zyosi zizyo mwinyazya nazyo sona mukwiza pakwibenga mwebene pavintu ivibibi vyosi vivyo mwabomba.

Ezekiyeli 37:14

Nkwiza pakubika Umuzimu wane mumwinyu sona mukwiza pakuba bumi, nukubikazya muchisu ichinyu ni chinyu. Po mukwiza pakuzimanya ukuti ane ne Mwene nanena, sona nazibomba, u Mwene anena.’ ”

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Ukubelengiwa 21:9

Po u Mozesi akapanga injoka iya mukuba nukuyipayika pikwi. Umuntu wesi yuyo alumiwa, nanti ayennya bulo injoka iya mukuba yila, akabanga nubumi.

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Matayi 26:75

Po u Pitala akakumbuka zizyo u Yesu akamubuzya ukuti, “Bo ukolwe atakokolikite ukwiza pakunkana katatu ukuti utamenye.” Akafuma kuzi nukulila nkani na masozi.

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Imbombo 10:45

Abitiki aba Chiyuda babo bakafuma mu Yopa poka nu Pitala bakaswigha ukuti u Chala apungulila ichabupi chache icha Muzimu Umuzelu mubantu babo bate ba Yuda bope.

Imbombo 11:15

Bo nanda pakunena, u Muzimu Umuzelu akikila papabo ukuyana namumo zikabela naswe pabwandilo.

Imbombo 2:17

‘U Chala akati: Izi zyo zizyo nkwiza pakubomba mumasiku aghabumalilo, nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

Aba Loma 8:26

Umwakuyana bulo, wepe u Muzimu Umuzelu akutwavwa aswe twe bantu abadedebazu. Pakuti tutamenye namumo tubaghiye pakwiputila, umwenecho u Muzimu Umuzelu akutwiputila kwa Chala nukukoloma, kuko kutanganeniwa na mazyu.

Aba Efeso 6:18

Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Yuda 1:20

Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mumaka agha Muzimu Umuzelu.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.

1 Samuweli 7:2

Ibokosi ilya Lufingo ilya Mwene likikala mu Kiliyati Yeyalimu pipipipi amaka 20. Pakabalilo kosi kanaka aba Izilayeli bakamulililagha u Mwene ukuti abavwe.