Zekaliya 12:1 - IBAYIBOLO 2024

¹ Agha gho mazyu aghabulaghuzi agha Mwene ghagho ghakunena nizya Izilayeli. U Mwene yuyo akapela ichisu ichakumwanya, weyuyo akala ulwalo ulwa chisu ichapasi, sona weyuyo akaghupela umuzimu ghugho ghuli mumuntu akuti,

Zekaliya 12:1 Iomraidhean Croise

Ubwandilo 1:8

Ichakulesannya ichi akachita ukuti, “Kumwanya.” Ubusiku bukamala, po indabindabi yikafika. Ili likaba lisiku lyabubili.

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Yobu 26:7

Kumwanya kumitu akakuzulilako papo patakabapo ichintu nachimochimo. Akachipayika ichisu ichapasi papo patakabapo akantu nakamokamo.

Yobu 37:18

Nkimba awe ungayana nu Chala yuyo akaghakuzula amabingu, ghagho ghakalite ngati mukuba?

Masalimo 104:2

Ukwivwinka wemwene nulukozyo ngati mwenda, sona akuzuye kumwanya ngati mwenda uwa chisakasa.

Masalimo 134:3

U Mwene yuyo Mupeli uwakumwanya ni chisu ichapasi, abasaye bo ali mu Ziyoni.

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Yesaya 40:12

Nkimba wewenu yuyo angapima amizi muchikufi chache, pamo pakuchipima ichisu icha kumwanya ninyobe zyache? Nkimba alipo yumo yuyo angabika ulufumbi muchidudunga, pamo pakupima amaghamba nutughamba pachipimilo?

Yesaya 40:22

Akwikala pamupando uwabumwene, ghugho ghuli pamwanya pakasi pachisu ichapasi, sona abantu bache bali ngati zyo mpazi. Weyuyo akukuzula kumwanya ngati chakuvwinka, sona nukuzungulula ngati chisakasa icha kwikalamo.

Yesaya 42:5

U Chala u Mwene akapela ichisu ichakumwanya nukuvikuzula, akapela ichisu ichapasi navyosi vivyo vikufuma mumo, akubapa umuyi abantu bache, sona akubapa ubumi babo bakwendapo.

Yesaya 44:24

U Mwene, yuyo akabamata mulwanda, nukubatabula akuti, “Ane ne Mwene, yuyo apelite ivintu vyosi, yuyo mwene akachikuzula ichisu ichakumwanya, yuyo akachizungulula ichisu ichapasi,

Yesaya 45:12

Nene nkachipela ichisu ichapasi, sona nkamumata umuntu ukuti ikalayemo. Ninyobe izyane ni zyane nkachikuzula ichisu ichakumwanya, nkuvilamula ivilundilo vyosi ivyakumwanya.

Yesaya 45:18

Izi zyo zizyo u Mwene akunena, yuyo akapela ichisu icha kumwanya, we Chala. Weyuyo akachipela atakachipela ukuti, mutakabanjemo nakamokamo, loli akachipela ukuti chibanje chakwikalamo abantu. U Mwene akuti, “Ane ne Mwene atalipo uyunji.”

Yesaya 48:13

Inyobe izyane ni zyane, nkala ulwalo ulwa chisu ichapasi, inyobe yane indilo, yikukuzula ichisu ichakumwanya. Bo nkuvyitizya ivyisu vyosi vibili, vikwiza kukwane.

Yesaya 51:13

Loli wamuluvya u Mwene umupeli wako, yuyo akachikuzula ichisu icha kumwanya, nukwala ulwalo ulwa pachisu ichapasi, ukwendelela pakunyila akabalilo kosi pachifukwa icha bukali ubwa bayinvyi. Nkimba wewenu yuyo akulonda pakunangannya? Nkimba kuli kwiyi ukukalala ukwa muyinvyi?

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yelemiya 10:12

U Chala akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 30:16

“Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 38:16

Loli u mwene u Zedekiya akalapa ichilapo kubusyefu akati, “Naloliloli nkulapa pantazi apa Mwene umumi yuyo akatupela nukutupa ubumi nkuti: Ntakwiza pakukughogha pamo pakukubika munyobe izya bantu babo bakubulondelezya ubumi bwako.”

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Yelemiya 51:15

U Mwene akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 18:4

Naloli abantu bosi bane, uwise nu mwana bulo, bosi babili bane. Umuntu wesi yuyo akubomba imbibi akwiza pakufwa.

Yoweli 3:19

Loli u Ijiputi akwiza pakuba chisami, wepe u Edomu akwiza pakuba nkolongo, pachifukwa icha kulwa ubwite na bantu aba mu Yuda nukukupula ibanda ilya bantu babo bate ninongwa muchisu chabo.

Yoweli 3:21

Nkwiza pakubatanizya aba Edomu naba Ijiputi pachifukwa icha libanda lilyo bakupula, ntakwiza pakubaleka bulo. Ane ne Mwene nkwikala mu Ziyoni!”

Zekaliya 9:1

Agha gho mazyu aghabulaghuzi agha Mwene ghagho ghakuchisusya ichisu icha Hadilaki, poka nakaya aka Damasika, pakuti abantu bosi muchisu ichapasi ba Mwene, sona zyope inko izya Izilayeli zya Mwene.

Malaki 1:1

Agha gho mazyu ghagho u Mwene akamubuzya u Malaki ukuti ababuzye aba Izilayeli.

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Aba Hebeli 12:9

Tukaba nabo abatata aba muchisu ichapasi babo bakatufunda, po tukabachindikagha. Nkimba tutangamuchindika u Tata witu uwabuzimu nukuba nubumi?