Zekaliya 11:9 - IBAYIBOLO 2024

⁹ Po nkati, “Ntakwiza pakuba sona ne mudimi winyu. Zileke zizyo zikufwa zifwanje, zizyo zikuzimila zizimilaye sona zizyo zikulyana zilyanaye.”

Zekaliya 11:9 Iomraidhean Croise

Yelemiya 19:9

Nkwiza pakubafyenga abantu banaba ukuti balye imibili iya bana babo abalumendo na balindu sona bakwiza pakulyana benebene pakabalilo akakoghofya bo bazyunguliliwe na balwani babo sona na babo bakulonda pakubaghogha.’

Yelemiya 23:33

U Mwene akamubuzya akati, “Yelemiya, bo abantu aba, pamo abalaghuzi pamo abaputi, bakukulalusya bakuti, ‘Nkimba ntamyo zyoni zizyo zili mumoyo uwa Mwene?’ ubabuzye uti, ‘Amwe mwe ntamyo kwa Mwene sona akwiza pakubatagha.’

Yelemiya 23:39

Po nkwiza pakubanyamula nukubasumbila ku butali. Nkwiza pakubefyapo pamaso ghane amwe poka nakaya akakulu nkani kako nkabapa amwe na banyenya binyu.

Yelemiya 43:11

Akwiza pakukanangannya akaya aka Ijiputi nukubapelela intamyo izya bufwe babo bubabaghiye nukubinjizya mubuzya abantu babo ubuzya bubabaghiye sona ukufwila kubwite babo babaghiye ukufwila kubwite.

Ezekiyeli 5:10

Pakasi papinyu abapapi bakwiza pakubalya abana babo, sona abana bakwiza pakubalya abapapi babo. Nkwiza pakubafunda amwe, nukubanyampannya abakusyalikila kosi na kosi.”

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Zekaliya 13:8

U Mwene akuti, “Muchisu chosi ivigaba vibili ivyavigaba vitatu, ivya bantu vikwiza pakughoghiwa, loli ichigaba choka ichavigaba vitatu chikwiza pakuba nubumi.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Matayi 21:19

Akachennya ichikuyu mulubazu mumusebo nukubuka palapala, atakavyaghamo ivikomwa ivya makuyu, loli amani ghene. Po akachibuzya ichikuyu chila akati, “Wee chikuyu, ute ukele sona nalumo ivikomwa!” Panapo na panapo ichikuyu chila chikuma.

Matayi 21:43

“Polelo nkubabuzya ukuti Ubumwene ubwa Chala bukwiza pakufyuliwa kukwinyu nukubapa abantu abanji, babo bangapa ivikomwa ivyiza.”

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yohani 8:21

U Yesu akababuzya sona akati, “Ane nkubuka, po mukwiza pakundonda, loli mukwiza pakufwa pachifukwa icha mbibi zyinyu. Mutangabukako kuko nkubuka.”

Yohani 8:24

Ichi cho chifukwa nkababuzya ukuti mukwiza pakufwa pachifukwa icha mbibi zyinyu. Mukwiza pakufwa pachifukwa icha mbibi zyinyu nanti mutakusubila ukuti, ‘Ane Nene.’ ”

Ubuvumbuli 22:11

Umuntu wesi yuyo akubomba ububibi, endelele pakubomba ububibi bwache. Umuntu wesi yuyo munyazu, endelele pakuba munyazu. Umuntu wesi yuyo mugholosu, endelele pakuba mugholosu, sona umuntu wesi yuyo muzelu, endelele pakuba muzelu.”