Zekaliya 11:8 - IBAYIBOLO 2024

⁸ Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha.

Zekaliya 11:8 Iomraidhean Croise

1 Abamwene 11:25

U Lezoni akaba mulwani uwa ba Izilayeli pa kabalilo kosi aka Solomoni, ukonjelezya pantamyo zizyo u Hadadi akabapelela aba Izilayeli. Po u Lezoni akalaghila mu Siliya, sona akaba mulwani uwa ba Izilayeli.

Masalimo 106:40

Polelo u Mwene akabakalalila abantu bache, sona akachisulannya ichilingo chache.

Masalimo 5:5

Abakwitutumula batangafika pamaso papako, sona ubabengite bosi ababomba imbibi.

Masalimo 78:9

Aba Efulayimu babo bakaba nubwele munyobe zyabo, pisiku ilya bwite bakachimbila.

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yelemiya 12:8

Abachilingo chane bali ngati nkalamu zizyo zili mumusitu. Bakumbulumila nizyu ilya bukali, cho chifukwa imbabengite.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yelemiya 6:30

Bali ngati we siliva yuyo ataghiwe, pakuti u Mwene abakanite.”

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Ezekiyeli 16:45

Awe we mwana wache umulindu uwanaloli uwa nyoko, yuyo akamusula umulume wache na bana bache, sona we wamwinyu umulindu uwanaloli, pa bawamwinyu bako, babo bakabasula abalume babo na bana babo. Unyoko akaba mu Hiti sona ughuso akaba mu Amoli.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Aba Levi 26:11

Nkwiza pakwikala muchisakasa chane ichipaghuliwa pakasi papinyu. Ane ntakwiza pakubasula nalumolumo.

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Luka 12:50

Loli imbaghiye pakoziwa mumayimba aminji, sona umoyo wane ghutakutuzyapo nalumolumo mupaka izi zibombiwe!

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Yohani 15:18

“Nanti abantu aba muchisu ichapasi bakubabenga, po mukumbukaye ukuti bakanda pakumbenga ane, bo bachili pakubabenga amwe.

Yohani 7:7

Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi.

Ukukumbusya Amalamulo 32:19

Bo u Mwene azyennya zinizi, akabakana abantu bache. Akabakana abana bache abalumendo na balindu, pachifukwa ichakuti bakamukalalizya.

Aba Hebeli 10:38

Abantu bane abagholosu bakwiza pakuba nubumi pakusubila. Loli nanti yumo mumwabo akunyokela kwisinda, ntakwiza pakuhoboka nawe.”