Zekaliya 11:7 - IBAYIBOLO 2024

⁷ Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.

Zekaliya 11:7 Iomraidhean Croise

Masalimo 23:4

Napapo nkwenda mwikombe ilya chisi icha bufwe, ntakwiza pakunyila ichintu ichibibi nachimochimo, pakuti uli nane. Intughu ni ndisa yako vikunsangalusya.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 90:17

Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yelemiya 39:10

Loli u Nebuzaladani usongo uwa balindilili, akabaleka kwisinda bamo babo bakaba bapina nkani sona na bantu babo batakaba na kantu nakamokamo muchisu icha Yuda, sona akabapa amaghunda agha mampesya ni mighunda iyinji.

Aba Levi 27:32

Ichigaba chosi pavigaba 10 ivya mudimo uwa vitekwa ivya Mwene. Nanti ivitekwa vikubelengiwa, ichigaba chosi pavigaba 10 cha Mwene.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Zefaniya 3:12

Loli nkwiza pakubaleka pakasi papinyu abololo na bakwiyisya, babo bakuchimbilila kukwane, kune Mwene.

Zekaliya 11:14

Po nkapyola indisa yane iyabubili, yiyo yikwitiziwa ukuti Bupoka, pakumazya ubukamu pakasi pa Yuda nu Izilayeli.

Zekaliya 11:4

U Mwene u Chala wane akuti, “Dimagha ing'ozi zizyo zyabikiwa ukuti zighoghiwe.

Matayi 11:5

Abafwamaso bakwennya, babo bafuye ivinama bakwenda, na bamambombo bakuswepa, na bamapuli bakwivwa, na bantu abafwe bakuzyuka kubufwe, sona Amazyu Amiza ghakulumbililiwa pakasi pabantu abapina.

Maliko 12:37

“U Devedi umwenecho akamwitizya ukuti Mwene, po u Kilisitu angaba bulibuli waluko ulwa Devedi?” Abantu abinji nkani bakamuteghelezyanga u Yesu umwakuhoboka nkani.

Yohani 10:16

Indi ni ng'ozi izinji zizyo zite izya muchibagha ichi. Zyope bulo imbaghiye pakuzisenda. Zikwiza pakwivwa izyu lyane, po zikwiza pakuba mudimo ghoka nu mudimi weka.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

1 Samuweli 17:40

Akasenda indisa munyobe yache, nukuseba isangalabwe izya mabwe fayivi mulusoko nukuzibika munyambi yache iyakudimila ing'ozi. Bo asenda ifyata yache, akabuka pakukomana nu mu Filisiti yula.

1 Samuweli 17:43

Akamulalusya u Devedi akati, “Fwandi ne mbwa, ukuti unyizile ni ndisa?” Po umu Filisiti yula akamughuna u Devedi pakutambula amatabwa agha bachala bache.